اسلام آباد۔ 10 جولائی (اے پی پی) نگران بنجائی وزیر اطلاعات بیرسٹر سید علی ظفر پارینے کہ شفاف گچین کاری تا اڈتننگ نگران حکومت نازمواری ءِ ،اسہ ہم فیصلہ سے نا زہم لس گچین کاری تیا مفک وگچین کاریک25جولائی آ مریرہ ، حکومت کس اسے نا برخلاف کارروائی کننگ اٹی اف ، عدالتی پرمان تیا عملدرآمد ننا آئینی زمواری ءِ ، لائبریریک علم اناخزانہ غاک ءُ ، لائبریری پوسکن ءُ علم ہیل تننگ کن سازگار چاگڑد فراوان کیرہ ، پوسکن آ چین ءِ لائبریری نا کنڈآ اتنگ کن گام گیج کروئی مریک ۔ داخیال آتا درشانی ءِ او سے شنبے نادے نیشنل لائبریری ٹی اسہ دے ئی ورکشاپ آن تران و میڈیا تون ہیت وگپ کرسا کرے ۔ نگران وزیر اطلاعات و نشریات میڈیا تون ہیت وگپ اٹی پارے کہ لس گچین کاریک 25 جولائی آہی مریرہ و اوفتے ٹی ہچ وڑنا تاخیر اس مفک ۔
