اسلام آباد۔09جولائی (اے پی پی) الیکشن کمیشن ءَ پنجاپ ءَ بلاول بھٹو زرداری ءِ قافلہ ءَ را دارگءِ پنجاپ ءِ سرپانک سروزیر ءَ گوں اے جیڑہءِ جستءُ پُرس ءِ گشتگ۔ دوشمبے ءِ روچءَ سیکرٹری الیکشن کمیشن بابر یعقوب فتح محمد ءِ نیمگءَ چہ پنجاپ ءِ سرپانک سروزیرڈاکٹر حسن عسکری ءَ را نمدی نبشتہ کنگ بوتگ کہ آئیءِ تہا گشگ بوتگ کہ سینیٹ ءَ قائد حزب اختلاف شیری رحمن ءُ پیپلز ءِ بنجاہی سیکرٹری سید نیئر حسین بخاری ءِ نیمگءَ چہ الیکشن کمین ءَ را دو جتاہ جتاہیں نمدی دیم دیئگ بوتگ کہ آوانی تہا گشگ بوتگ کہ اچ شریف پنجاپ ءِ مزار ءَ حاضری دیئگءَ بلاول بھٹو زرداری ءَ را دارگ بوتگ کہ وھدے کہ اے نمدیءِ تہا سینئر پولیس حکام ءَ را بھتان جنگ بوتگ۔ آئی جی پنجاپ ، ڈی پی او بہاولپور ءُ ڈی ایس پی صفدر ءِ نام گرگ بوتگ ءُ آوانی سرءَ بھتان جنگ بوتگ کہ مارا آزاتی ءِ گوما ترءُ گرد کنگءَ مکن کنگ بوتگ۔ نمدی ءَ گشگ بوتگ کہ چیف الیکشن کمشنر ءَ پرمان داتگ کہ اے جیڑہ پنجاپ حکومت ءَ را ھال دیئگ بہ بیت کہ ایشی ءِ بابت ءَ جستءُ پُرس بہ کنت الیکشن کمیشن ءَ را سرپد بہ کنت تانکہ آ ایشیءِ سرءَ کاروائی بہ کنت۔
