کوئٹہ۔09جولائی(اے پی پی)چیئرمین نیب جسٹس جاوید اقبال پارے کہ بلوچستان نا شونداری پاکستا ن نا شونداری نا ضامن ءِ ، نیب کرپٹ عنصر آتے سی پیک تون اوار قومی اہمیت نا غٹ ڈٹ آتے ٹی وڈی خوری آن توننگ کن تینا پبی کڑد ءِ ادا کننگ ءِ و کرسا کیک انتئے کہ سی پیک نا ڈٹ نئے بیرہ پاکستان نامعاشی شونداری و شونہالی نا ضامن ءِ بلکن ڈیہہ نا شونداری کن ہم گیم چینجر نا حیثیت تخک ۔ اودا خیال آتا درشانی ءِ نیب بلوچستان نادورہ نا وخت آ پارے ۔ اوتینا دورہ ٹی نیب بلوچستان نا کارکڑد نا سرجمی اٹ جاچ ءِ ہلک ا۔ داوخت آ ہیت وگپ کرسا چیئرمین نیب پارے کہ ملک انا جوڑ جاڑ و شونداری خاص کر بلوچستان نا شونداری نا ملکی معیشت آ گچین و دوررس زہم تمک ، اوپارے کہ نیب دروشم ءِ آخا کیس ءِ ہرک ۔ پٹ فیڈر کینا ل آن بلوچستان نا کشاری بیلٹ انا معاشی آخبت وابستہ ءِ ۔ پٹ فیڈڑ کینال کیس اٹی وڈی خوری کروک آ غٹ زمہ وار آتا تعین ءِ کرسا اوفتیان قوم انا پلوک آ پیسہ غاتے ہلنگک ۔ چیئرمین نیب جسٹس جاوید اقبال پارے کہ قومی احتساب بیورو ملک آن کرپشن نا پورو چٹفنگ کن کانود نا رداٹ تینا فرض ءِ پورو کننگ ءِ ۔ وڈی خوری نا چٹفنگ کن ننا جہاد وڈی خور عنصر آتے کانود نا رداٹ اوفتے اوفتا کروک نا سزا تننگ تون اوار اوار اوفتیان قوم انا پلوک آ غٹ پیسہ غاتے پدی ہلنگ و قومی خزانہ ٹی جمع کرفنگ اسکان برجاسلک تانکہ ملک انا زر مبادلہ ٹی ودکی مرے و قومی اہمیت نا ڈٹ آک ایسری اسکان سرمریر۔
