لاہور ۔08جولائی ( اے پی پی) ھالءُ اھوال کار ءُ شنگکاری ءِ سرپانک بنجاھی وزیر سیدک علی ظفر ءِ لاہور پریس کلب ءَ ’’ میٹ دی پریس‘‘ ءَ گوں گپ ءُ تران کتگءُ گشتگ کہ احتساب آمید گسءِ پیسلہ لھس گچین کاری ءِ برجمی ءِ سرءَ اثر مند نہ بیت ءُ نہ آئین ءِ تہ گنجائش اَست، لھس گچین 25جولائی ءَ را وتی وھد ءِ سرءَ بنت، پاکستان ءَ کانود درستانی ھاترءَ ھم کچ اِنت، اگاں آمید گسءَ نواز شریف ءُ مریم نواز ءَ را مریم نواز ءَ را اگاں کمک نہ دات گڈا وطن واتری بوھگءَ آ دزگیز کنگ بیت، کیپٹن (ر) صفدر ءِ دزگیریءِ ھوالگءَ نیب ءِ کمک کنگ حکومت ءِ زمہ واری اِنت، آبی ذخائر ءُ ڈیم آنی جوڈ کنگءَ ھوار آپ ءِ بچت ھم المی اِنت، آپ ءِ کمی ءِ جیڑہ ءِ سرءَ ما کواساں گوں کمک زُر تگ تانکہ ما انچیں دستاویز جوڈ کُت بہ کن اَنت ءُ آؤکیں گائیڈ لائن جوڈ بوت ب کنت۔ آ یک شمبے ءِ روچءَ لاہور پریس کلب ءِ پروگرام ’’ میٹ دیک پریس ‘‘ ءِ صحافی آنی جستانی پسو داتگ ۔ اے موھ لاہور پریس کلب ءِ عہدگ دار ءُ سینئر صحافی آنی کساسے ساڑی نہ بوتگ۔ سرپانک بنجاھی وزیر ءَ صحافی آنی یک جستے ءِ پسوداتگءُ گشتگ کہ اگاں آمید یک مقدمہ چلائنگ ءَ اِنت ءُ آ ایشی ءِ تہا پیسلہ کہ دنت گڈا حکومت ءِ کار ایشی ءِ سرءَ عمل کنگ اِنت ایشیءَ چہ آمید گس مھکم بنت۔ آئیءَ گشتگ کہ پیسرگیں مزن وزیر نواز شریف ءُ آئیءِ ھاندان ءِ کیس ءَ آمید گس ءِ پیسلہ اَتکگ کہ ایشی ءِ سرءَ عملدکنگ حکومت ءِ کار اِنت اگاں ایشی ءِ سرءَ اگاں شکایتے اَست اِنت گڈا اپیل پیسرءَ مزن آمید گس ءُ رندءَ مزن شاہ آمید گسءَ کنگ بیت۔
