شاباش اِنت نواز شریف، ترا نہ تُرس ایت، پد نہ کینز اِت، تو وتی جند ءِ زندءَ چہ پاکستانءَ را گیش ارزشت دات، مرچی ناہکی ءِ ھلاپ ءَ جنگ کنگءِ ھب گیش بوت، مریم نواز شریف

لندن ۔06جولائی (اے پی پی) پاکستان مسلم لیگ(ن) ءِ رہنما مریم نواز شریف ءَ گشتگ کہ شاباش اِنت نواز شریف، ترا نہ تُرس ایت، پد نہ کینز اِت، تو وتی جند ءِ زندءَ چہ پاکستانءَ را گیش ارزشت دات، مرچی ناہکی ءِ ھلاپ ءَ جنگ کنگءِ ھب گیش بوت۔جندی نیوز ٹی وی چینل ءِ گشگءِ ردءَ مریم نواز ءَ جمعہ ءِ روچءَ احتساب آمید گس ءِ ایوان فیلڈ ریفرنس ءِ پیسلہ ءَ پد وتی ٹویٹر کلوھءِ تہا گشتگ کہ شاباش نواز شریف تو نہ ترس اِت، جہل نہ بئے ، اُلس تئی کوپگ اِنت، انشااللہ سوبمندی تئی بیت۔ نواز شریف پیداک اِنت، آئی ءَ را دارگ ءِ بازیں کوشستے کنگ بوھگءَ اِنت، گڈی کوشست بوتگ، انشااللہ پیسر ءِ وڈ ناکام بیت۔ آئیءَ گشتگ کہ منءَ نواز شریفءِ سرءَ پھر اِنت، نواز شریفءُ من نہ پریشان اَ ں ءُ نہ فکر مند اَنت، اللہ ءِ سرءَ باور اِنت، نواز شریف لہتیں دیراں پد اے ھوالگءَ گپ کنت۔ آئیءَ گشتگ کہ پاکستان ءَ 70سالاں چہ استیں زُلمءُ ناھکی ءِ دیماءَ ا وشتاتگ ءِ اے سزا باز کم اِنت۔