اسلام آباد۔ 5 جولائی (اے پی پی) صدر مملکت ممنون حسین ءَ گوشت کہ یونیورسٹی ءُُ ایندگہ ٹوھیں وانگ ءُُ زانگی ادارگ ملک ءِ اقتصادی ءُُ بنی آدمی آسراتی ءِ دیمروئی ءَ ارزشتی ایں کرد ءِ پیلو کن اَنت، ٹوھیں وانگ ءُُ زانگی پڑ ءَ ہائیر ایجوکیشن کمیشن ءِ کرد لائک ءِ ستا اِنت۔ اے ھیالانی درشانی آئی ءَ ہائیر ایجوکیشن کمیشن ءِ پیسریگیں سروک ڈاکٹر مختار احمد ءَ گوں گپ ءُُ تران کنان ءَ کت آئی ءَ پنچ شمبے ءِ روچ ءَ ایوان ءِ صدر ءَ آئی ءَ گوں بروپہ ھیری گند ءُُ نند کت۔ صدر ءِ مملکت ءَ گوشت کہ ڈاکٹر مختار ءَ چیئرمین ہائیر ایجوکیشن کمیشن ءِ بستار ءَ ملک ءَ ٹوھیں زانشت ءِ دیمروئی ءَ جوانیں گامگیج کتگ ایش لائک ءِ ستا اَنت۔ آئی ءَ اے موہ ءِ سر ءَ درشان کت کہ آ آیوکیں باندات ءَ ھم ٹوھیں زانشتی ادارگ آنی دیمروئی یے واستہ وتی ازمت آں پیش کنت اِنت۔ اے موہ ءِ سرءَ ڈاکٹر مختار احمد ءَ صدر مملکت ءَ را ہائیر ایجوکیشن کمیشن ءِ رپورٹ برائے 2013۔17 ھم پیش کت۔
