اسلام آباد۔5 جولائی (اے پی پی) پاکستان ءُُ قطر ءِ نیام ءَ اے گپ ءِ سرءَ تپاک کنگ بوت کہ دوئیں ملک آنی جندی شوبگ آنی نیام ءَ کاروباری تک ءَ رابطہ ءِ تہ ءَ گیشی کنگ بہ بیت وھدیکہ قطر ھاسیں منصوبگ آنی بنیات ءَ تجارت، سرمایہ کاری ءُُ اقتصادی کمک ءَ ر ا گیش ودینگ ءِ موہ ءَ پٹ ءُُ لوٹ کنت۔ اے تپاک سرپانک مزن وزیر جسٹس (ر) ناصر الملک ءَ گوں قطر ءِ وزیر برائے اقتصادیات ءُُ تجارت شیخ احمد بن جاسم محمد الثانی ءَ پنچ شمبے ءِ روچ ءَ ادا گند ءُُ نند ءِ ساھت ءَ گیشینگ بوت۔ قطر ءِ وزیر ءِ برائے اقتصادیات ءُُ تجارت ءَ پاکستان ءِ گوما تجارت، سرمایہ کاری ءُُ اقتصادی شریکداری ءَ را ودینگ ءِ واھشت کت ایش کلانہ ایں کارندہ وردن ءُُ وراک، کشت ءُُ کشاری، لائیو سٹاک، بالی پڑ، میری ٹائم ءُُ شِپنگ ءِ نماھندگی کنوکیں سی ای اوز آنی ڈل ءِ ھمبراھی ءَ پاکستان ءِ لکوکیں تر ءُُ تاب ءَ ات۔ مزن وزیر ءَ دوئیں ملک آنی نیام ءَ تجارتی ءُُ اقتصادی کمک ءَ گیشی ءِ ارزشت ءَ را سہرا کت۔ گند ءُُ نند ءَ قطر دان ءِ برآمد، بلدکاریں مردم آنی ھاٹیگ ءِ واسک کار ءِ ویزہ ءُُ پیٹروکیمیکل ءُُ فوڈ پروسیسنگ ءَ سرمایہ کاری ءِ سر ءَ دلگوشی شوبگ ءِ سرءَ گپ ءُُ تران کنگ بوت۔ قطر درچتگیں منصوبگ آنی بنیات ءِ سر ءَ تجارت، سرمایہ کاری ءُُ اقتصادی کمک ءَ را ودینگ ءِ واستہ موہ آنی پٹ ءُُ پول ءَ کنت۔ فیفا 2022 ءَ پاکستان ءِ گوما اقتصادی کمک ءِ تہ ءَ گیشی ءِ واستہ یک ٹوھیں موہ ءِ نامینگ بوت۔ ھاسیں اقتصادی زونز آنی تہ ءَ کمک ءُُ سرمایہ کاری ءِ ایندگہ شوبگ آنی تہ ءَ فوڈ پروسیسنگ، پیٹوکیمیکل ھوار اتنت۔
