صدرِ مملکت ءِ نیشنل کمیشن فار ہیومن ڈویلپمنٹ ءِ ھمک سالی رپوٹ ءِ پیش کنگ ءِ موہ ءَ ھیالانی درشانی
نگران بُنجاھی وانگ ءُُ زانگی ءُُ کزبی ھیل کاری محمد یوسف شیخ ءُُ کمیشن ءِ چیئرپرسن رزینہ عالم ءَ صدر ءَ را قومی کمیشن برائے بنی آدمی دیمروئی ءِ بابت ءَ رپوٹ پیش کت
اسلام آباد ۔ 6 جولائی (اے پی پی) صدرِ مملکت ممنون حسین ءَ گوشت کہ راجی دیمروئی ءِ بنیات مھکم جوڑ کنگ ءِ واستہ سر ءُُ سوج کتگیں لس مردمی ھاٹیگ کموک اَنت، راجی کمیشن برائے بنی آدمی ھک ءَ اے رد ءَ بے درویں ازمت کتگ، ھمے ھاترا المی اِنت کہ ھمے زبندی آنی رد ءَ کار جاڑی دارگ بہ بیت۔ آئی ءَ اے گپ آدینگ ءِ روچ ءَ نیشنل کمیشن فارہیومن ڈویلپمنٹ ءِ ھمک سالی رپوٹ پیش کنگ ءِ موہ ءَ گوشت انت۔ صدر ءِ مملکت ءَ اے رپوٹ سرپانکی بُنجاھی وانگ ءُُ زانگی ءُُ کزبی ھیل کاری محمد یوسف شیخ ءُُ کمیشن ءِ چیئرپرسن زرینہ عالم ءَ پیش کت۔ اے موہ ءِ سر ءَ بُنجاھی سیکرٹری وانگ ءُُ زانگ ارشد مرزا ءُُ ایندگہ کلانہ ایں کارندہ ساڑی اتنت۔ صدر ءِ مملکت ءَ گوشت کہ ھیل کاری زوروکیں مردم راجی دیمروئی ءِ بنیات اَنت۔ اے رد ءَ راجی کمیشن برائے بنی آدمی دیمروئی لائک ءِ ستائیں کار کنگ ءَ اِنت۔ آئی ءَ گوشت کہ قومی دیمروئی ءِ واستہ مئے ھد ءُُ ابیل سک باز انت بلے آسراتی آنی کمی اے کشک ءَ مزنیں پینگ اَنت۔ بلے اے گپ راست اِنت کہ گوستگیں لستیں سال ءَ چہ اے پڑ ءَ جوانیں دیمروئی دیگ بوتگ ایشی ءِ جوانیں نتیجگ دیم ءَ پیداک اَنت۔ آئی ءَ امیت سہرا کت کہ آیوکیں سال ءَ اے جیڈھ آنی دزبندی آں چہ دیم ءَ جنزگ ءُُ گام جنگ ۔ آئی ءَ گوشت کہ رزینہ عالم ءَ وتی زمہ واری جوانیں رنگ ءَ پیلو کتگ ایش اے شوبگ ءِ زمہ وار آنی واستہ چراگ ءِ بستار ءَ دار ایت۔ صدر ءِ مملکت ءَ اے رد ءَ دلوشی ءِ درشان کت کہ کمیشن ءَ کودک ءُُ بزگیں ءُُ چورائیں زھگ آنی وانگ ءُُ زانگ ءِ پُجاری ءِ واستہ جوانیں ازمت کتگ ایشی ءِ جوانیں برورد دیم ءَ کئیت۔
