لندن۔ 4 جولائی (اے پی پی) پیسریگیں مزن وزیر محمد نواز شریف ءَ گوشت کہ ایون فیلڈ ریفرنس ءِ پیسلہ لستیں روچ ءَ تاں محفوظ دارگ بیت، من آمید گس ءِ کوٹی ءَ اوشتاں ءُُ پیسلہ ءَ گوشدارگ لوٹاں، منی لوگ بانک 21روچ ءَ چہ وینٹی لیٹر ءِ سر ءَ اِنت، مرچی آئی ءِ آپریشن بوتگ ءُُ امیت اِنت کہ آ ھوش ءَ کئیت ، من السی نماھندگ ءِ آں، بزدلی ءِ درشان ءَ نہ کناں، پیسلہ منی ھلاپ ءَ یا ھک ءَ کئیت پاکستان ءَ الم رواں ، من یک مشنے ءِ سر جم کنگ ءِ واستہ ھمک رنگ ءِ کربانی دیگ ءَ تیار آں، درستاں چہ مستریں پیسلہ راج ایگ اِنت ءُُ راج ءِ پیسلہ ملک ءِ کسمت ءَ مٹ کنت، اے پیسلہ ءِ گوانک ھشکنگ بوھگ ءَ انت۔ چار شمبے ءِ روچ ءَ لندن ءَ ھال رسانکی در آں گوں تران کنان ءَ پیسریگیں مزن وزیر محمد نواز شریف ءَ گوشت کہ منی لوگ بانک 21روچ ءَ چہ وینٹی لیٹر ءِ سر ءَ بوتگ، مرچی آئی آپریشن بوتگ ءُُ امیت اِنت کہ آ ھوش ءَ کئیت۔ آئی ءَ گوشت کہ 21کروڑ الس ءِ نماھندگ آں یک زوراک ءِ نہ آں کہ تچ آں رواں ھمک کسم ءِ جاور آں گوں دیم پہ دیمی کن آں۔ آئی ءَ گوشت کہ کیساسگری آمید گس ایوان فیلڈ ریفرنس ءَ پیسلہ لستیں روچ ءَ تاں محفوظ بدار ایت، من پاکستان ءَ کایاں آمید گس ءِ توک ءَ اوشتاں ءُُ پیسلہ ءَ گوشدارگ لوٹ آں۔ آئی ءَ گوشت کہ پیسلہ منی ھلاپ ءَ یا ھک ءَ کئیت بل اِنت پاکستان ءَ الم رواں۔ یک جست ءِ پسو ءَ محدم نواز شریف ءَ گوشت کہ آ یک مشن ءِ سر ءَ انت ءُُ مشن ءِ سرجمی ءِ واستہ ھمک رنگ ءِ کربانی دیگ ءَ تیار آں۔
