اسلام آباد۔ 4 جولائی (اے پی پی) مزن وزیرجسٹس (ر) ناصر الملک ءَ مقبوضہ کشمیر ءِ الس آنی سر ءَ ناھکیں لٹ ءُُ لٹ کاری کنگ ءُُ لگت مال کنگ ءِ ھلاپ ءَ وت واجئی ءِ دزگیر کنگ ءِ جہد ءُُ کوشست ءَ پاکستان ءِ حکومت ءُُ الس ءِ اخلاقی، سیاسی ءُُ سفارتی کمک ءِ جزم ءُُ درشان کنان ءَ گوشت کہ میاں اوستماننی برات آناں میاں اوستمانی برات آناں اقوام ءِ متحدہ ءِ سلامتی کونسل ءِ استیں منوگری آنی وسیلگ ءَ کشمیری الس آں گوں کتگیں سوگند ءِ پیلو کنگ ءِ واستہ وتی کرد ءَ پیلو بکن اَنت۔ آئی ءَ اے گپ آزات جموں کشمیر ءِ مزن وزیر راجہ فاروق حیدر ءَ گوں تران کنان ءَ گوشت آئی ءَ چار شمبے ءِ روچ ءَ مزن وزیر کارگس ءَ آئی ءَ گوں گند ءُُ نند کت۔ گند ءُُ نند ءِ ساھت ءَ آزات جموں کشمیر ءِ ھواریں جاور ھال ءُُ مقبوضہ کشمیر ءِ الس آنی ناگیگیں جاور ھال آنی بابت ءَ ھاسیں رنگ ءَ گپ ءُُ تران کنگ بوت۔ مزن وزیر ءَ مقبوضہ کشمیر ءَ ریاستی ناشرکاری ءُُ بھارتی زوراکیں اُرد ءِ نیمگ ءَ چہ بنی آدمی ھک لگت مالی ءَ را مذمت کت۔ آئی ءَ گوشت کہ میاں اوستمانی برات آناں اقوام ءِ متحدہ ءِ استیں منوگری آنی وسیلگ ءَ کشمیری الس آں گوں کتگیں کول ءُُ کرار ءُُ آوانی جائزیں وت واجئی ءِ دزگیر کنگ ءِ واستہ وتی کرد ءَ پیلو بکن اَنت۔
