اسلام آباد۔ 4 جولائی (اے پی پی) صدر مملکت ممنون حسین ءَ گوشت کہ قزاخستان نیامی ایشائی دمگ ءِ سک باز ارزشتی ایں ملک اِت ایشی ءِ توامیں ملک ءَ ھوار پاکستان ءِ گوما جوانیں یکوئی ءُُ سیادی است۔ صدر ءِ مملکت ءَ اے گپ قزاخستان ءِ واستہ پاکستان ءِ نامینتگیں سفیر ڈاکٹر امتیاز احمد قاضی ءَ گوں گپ ءُُ تران کنان ءَ کت آئی ءَ چار شمبے ءِ روچ ءَ ایوان ءِ صدر ءَ آئی ءَ گوں گند ءُُ نند کت۔ صدر ءِ مملکت ءَ گوشت کہ قزاخستان ءِ نزیکیں دوست اِت آئی ءِ گوما تجارت ءَ ھوار ایندگہ شوبگ آنی تہ ءَ دراج بُریں اوست ءُُ امیت است اِنت ایشانی نیمگ ءَ کسانُک ایں دلگوشی دیگ ءَ پد دراج بُریں شاھیگانی پیداک بوت کت کنت۔ آئی ءَ نامینتگیں سفیر ءَ را پنت ءُُ شون کت کہ آ دوئیں ملک آنی نیام ءَ تجارت ءِ تہ ءَ گیشیءُُ یکجائی تجارتی منصوبگ بندات کنگ ءِ سر ءَ دلگوشی بدینت۔ صدر ءِ مملکت ءَ گوشت کہ دوئیں ملک آنی نیام ءَ فارماسیوٹیکل ءِ شوبگ ءَ کمک ءِ سک باز موہ آنی امیت است اِنت چیا کہ پاکستان ءَ چہ دوا ءُُ درمان آنی بھا زورگ دوئیں ملک آنی نپ ءُُ سیت ءَ اِنت۔
