اسلام آباد۔ 4 جولائی (اے پی پی) صدر مملکت ممنون حسین ءَ گوشت کہ پاکستان ءُُ نائجیریا سک باز نزیکیں دوست اَنت ایشانی نیام ءَ تجارت ءَ ھوار بازیں شوبگ آنی تہ ءَ دراج بُریں امیت است ایشانی تہ ءَ گیشی ءِ واستہ یک شل ءَ کار کنگ ءِ ضلورت اِنت۔ صدر ءِ مملکت ءَ اے گپ چار شمبے ءِ روچ ءَ نائجیریا ءِ واستہ پاکستان ءِ نامینتگیں ہائی کمشنر میجر جنرل (ر) وقار احمد دءَ گوں گپ ءُُ تران کنان ءَ کت۔ صدر ءِ مملکت ءَ گوشت کہ نائیجیریا ارزشتیایں ملک اِنت ءُُ افریقہ دُرستاں چہ مستریں ملک اِت ایشی ءِ گوما پاکستان ءِ تجارتی یکوئی سک باز ارزشتی اِنت۔ آئی ءَ نامینتگیں ہائی کمشنر ءَ را پنت ءُُ شون دات کہ آ دوئیں ملک آنی نیام ءَ تاجر آنی ڈل ءِ روگ ءُُ آیگ ءِ سر ءَ دلگوشی دیگ ءِ گوشت چیا کہ پاکستان ءُُ نائجیریا ءِ نیام ءَ سک باز شوبگ آنی تہ ءَ تجارت ءِ پراھ ءُُ شاھیگانیں امیت است اَنت۔ آئی ءَ گوشت کہ نائجیریا ھم پاکستان ءِ گوما تجارتی یکوئی آنی تہ ءَ گیشی ءِ واھشت مند اِنت ایشی ءِ کمک ءَ سرجمیں افریقہ ءِ گوما معاشی کمک ءِ کشک ساپ ءُُ سلہ بوت کن اَنت۔
