اسلام آباد ۔ 4 جولائی (اے پی پی) صدر مملکت ممنون حسین ءَ گوشت کہ بیئپاری ءُُ صنعت کار راجی معیشت ءِ تہ بنیاتی کردار ءِ حامل انتءُُ ملکی معیشت ءِ گہبودی ، اقتصادی دیمروئی ،بیروزگاری ءِ ھلاسی ءُُ راج ءِ زند ءِ معیار ءَ گہتری ءِ ھاترا اے وڈیں کارباز ھاس انت۔اے ھیالانی درشان آہاں چار شمبے ءَ لاہور چیمبر آف کامرس اینڈ انڈسٹریءِ نیمگا چہ سفارتکارانی اعزاز ءَ داتگیں شپ ءِ نان ءِ مراگش ءَ گوں گوشتانک ءِ ساعت ءَ کتگ ات۔شپ ءِ نان ءِ تہ لاہور چیمبر آف کامرس اینڈ انڈسٹریءِ صدر ملک طاہر جاوید ءُُ لہتیں ملکانی سفارتکار انی مزنیں کچ ساڑی ات۔ صدر مملکت ءَ گوشت کہ ملک ناشرکاری ءَ چہ درکپتگ ءُُ دیمروئی ءُُ وشھالی ءِ راھ ءَ مان بوتگ۔آہاں گوشت کہ حکومتی پالیسیانی آسر ءَ معیشت گہتری ءِ نیمگا روگ انت۔ سٹاک مارکیٹ گہتریں وڈ ءَ کار کنگ انت۔صدر مملکتءَ گوشت کہ امن ءُُ ایمنی ءِ بحالی ءِ آسر ءَ ملک ءِ تہ بیئپاری کار ترند بوتگ انتءُُ زرکارانی اعتماد بحال بوھگ انت۔آہاں پاکستانی ءُُ ڈنی زرکاراں را گوشت کہ آں اے بیئپاری موہ ءَ چہ پائدگ ءَ چست کن انت۔آہاں گوشت کہ بیئپاری براھندگی ءِ کمک ءَ گوں میاں اوستمانی براھندگی ءَ وتی رھوت ءَ را گیش سوگو جوڈ کناں۔آہاں لاہور چیمبر ءِ وطنِ عزیزءِ تہ کارکنوکیں سفارتی براھندگی ءَ گوں ھوار ،فعال ءُُ رھوت ءَ را گیش کنگ ءِ گامگیج ءَ را ساڑاتگ۔ صدر مملکت ءَ گوشت کہ پاکستان پُرشانیں محل ءُُ وقوع ءِ سبب ءَ باندات ءِ اقتصادی ضلورت پیلو کنگ ءِ ھاترا اقتصادی راہداری ءِ وسیلگ ءَ سرجمیں دگنیا ءِ دلگوشی ءِ مرکز جوڈ بوھگ انت ءُُ گوادر ءِ بندرگاہ وسطی ایشیا ئی ملکانی ھاترا گیٹ وے ءِ وڈ ءَ دیما آھگ انت۔آہاں گمان پدر کت کہ دمگ ءَ برز بیوکیں ءِ امکان راجے ءِ زند ءِ تبک ءَ را گہتر جوڈ کنگ ءِ تہ ھاسیں کرد ادا کن ایت۔آہاں گوشت کہ میاں اوستمانی براھندگی دیمروئی ءِ اے سفر ءَ پاکستان ءَ گوں ھواربیت۔ صدر مملکت ءَ اے گمان پدر کت کہ آیوکیں حکومت ءِ اقتصادی ءُُ معاشی دیمروئی ءِ اے سفر ءَ را جاڑی ایر کنگ ءِ سرا ھاسیں دلگوشی دات ءُُ مھلوک ءِ زند ءِ معیار ءَ را گہتر کنگ ءِ ھاترا کتگیں کوشستاں را برجاہ دارایت۔آہاں گوشت کہ دگنیا ءِ تہ تنیگہ ترندی ءَ گوں بدلی دیما آھگ انت۔آہاں گوشت کہ بیئپاری شوبگ ءَ را ھم استیں جاور ءِ ردا سوگو حکمت عملی ءِ ردا عملی تشکیل دیگ ءِ ضلورت انت تنکہ کجام اڑاند ءِ ابید دیمروئی ءِ کار جاڑی بہ بیت۔صدر مملکت ءَ گوشت کہ اے الم انت کہ مہ بیئپاری شراکت دارءَ گوں وتی سیادی ءَ را گیش سوگو کنیں ءُُ پاکستانی چیز اں را ہمہ دمگاں سر کنیں کہ اُودا تنگہ اے چیز سر نہ بوتگ ات۔صدر مملکتءَ مراگش ءَ ساڑی سفراء ءَ گوں گپ ءُُ تران کنان ءَ گوشت کہ کہ مہ وتی ملک ءِ تہ شمے ساڑی بوھگ ءَ چہ پائدگ چست کنگ ءِ واھشت مند اںءُُ دگنیا ءِ دراھیں ملکاں گوں بیئپاری ءُُ اقتصادی سیادی ءَ را پراھی دیگ لوٹگ ات۔اے درگت ءِ تہ شمے کرد ھاس انت ءُُ مہ امیت کنگ انت کہ شما دودیمی پائدگ ءِ تہ وتی شریں کارانی تہ باز ترندی کارانت۔
