واشنگٹن ۔ 4 جولائی (اے پی پی) امریکا ءِ تہ داشتگیں پاکستانی سفیر علی جہانگیر صدیقی ءَ امیت ءِ درشان کت کہ امریکی کمپنی دوئیں ملکاں گیش بیوکیں بیئپاری ءُُ اقتصادی سیادی ءِ پیش نظر پاکستان ءِ تہ ھاسکر تیل ءُُ گیس ءِ تک ءَ زرکاری ءَ کن انت۔ امریکی ریڈیو ءُُ ٹی وی بلوم برگ ءَ را گلگدار ءِ تہ علی جہانگیر صدیقی ءَ گوشت کہ دوئیں ملکانی میان ءَ 70سال ءَ چہ گیش وھد ءَ چہ سیادی انت ءُ دوئیں ملک اوگانستان ءِ تہ امن ءُُ ایمنی ءِ برجاہی ءَ ھوار بازیں دگہ شوبگ ءَ ھوار بوت کار کنگ انت۔گوستگیں ماہ ءَ امریکا ءِ تہ پاکستان ءِ سفیر ءِ اگدھ سمبھالگ ءِ پدا علی جہانگیر صدیقی ءَ کجام ھم رسانکدر ءَ اولی گلگدار ءِ تہ گوشت کہ پاکستان ءُُ امریکا ءِ میان ءَ بیئپاری ھاسکر تیل ءُُ گیس ءِ تک ءِ تہ سیادی ءَ را پراھی ءِ امکان ساڑی انتءُُ ایوکا ھاٹیگ ءِ شوبگ ءِ تہ دوئیں ملکانی ھاترا باز موہ انت چیاکہ پاکستان ءَ گوستگیں دو سال ءِ ساعت ءَ لہتیں نوکیں ٹرمنلز پچ کتگ انتءُُ بازیں ایل این جی ٹرمینلزپلاننگ ءِ مرحلہ انت۔یک جستے پسو ءَ سفیر علی جہانگیر صدیقی ءَ گوشت کہ پاکستان ءِ تہ سیکیورٹی جاورحال ءِ تہ گہتری اتکگءُُ گوستگیں لہتیں سال ءِ مقابلہ ءِ تہ 80درسد کمی اتکگ۔ سفیرءَ گوشت کہ پاکستان ءُُ امریکاءِ میان ءَ کمک ءِ دراجیں راجدپتر 70سال ءَ ھوار انت۔ پاکستان امریکا ءِ در نیٹو ملکاں چہ اتحادی ملک ات ءُُ دوئیں ملک ءَ اوگانستان ءِ جیڈھ ءِ حل ءِ ھاترا جزم دار انت ءُُ مہ اے ھوالہ ءَ امریکی واکدار ءَ گوں لہتیں رندءَ بازیں گپ ءُُ ھال ھم بوتگ ات۔ سفیر ءَ گوشت کہ پاکستان ءَ گوستگیں 20سال آنی تہ باز دیمروئی کتگ ات۔آہاں گوشت کہ امریکی کمپنی پیپسی ءُُ پراکٹر گیمبل درجیں وھد ءَ چہ پاکستان ءِ تہ کار کنگ ات بلے نوکیں امریکی کمپنی ءَ را ھم پاکستان ءَ زرکاری ءِ ضلورت ات ،آہاں بھارت امریکا سیادی ءِ ھوالہ ءَ گوشت کہ پاکستان اے سیادی ءَ را کجام گونڈو ءِ چماں ءَ چارگ نیست ات
