امیت اِنت کہ اُردی کارندہ آنی ڈیوٹی دارگ ءَ لس گچین کاری جوانیں ءُُ ایمنیں رنگ ءَ برجم دارگ ءَ دل یکیمی کنگ ءِ کوشست ءَ کمکار سہرا بنت
اسلام آباد ۔ 4 جولائی (اے پی پی) سرپانک مزن وزیر جسٹس (ر) ناصر الملک ءَ امیت سہرا کت کہ آیوکیں لس گچین کاری ءِ ساھت ءَ اردی کارندہ آنی ڈیوٹی دارگ ءَ لس گچین کاری جوانیں ءُُ ایمنیں رنگ ءَ برجم دارگ ءَ دل یکیمی کنگ ءِ کوشست ءَ کمکار سہرا بنت۔ آئی ءَ اے گپ چار شمبے ءِ روچ ءَ مزن وزیر کارگس ءَ وزارت ءِ دیمپانی ءِ کار آنی بابت ءَ بریفنگ ءِ سروکی کنان ءَ کت اَنت۔ وزیر ءِ دیمپان لیفٹیننٹ جنرل (ر) نعیم خالد لودھی، مزن وزیر ءِ سیکرٹری سہیل عامر، سیکرٹری دیمپان لیفٹیننٹ جنرل (ر) ضمیر الحسن شاہ ءُُ کلانہ ایں کارندہ ھم گند ءُُ نند ءِ وھد ءَ ساڑی اَتنت۔ سیکرٹری دیمپان لیفٹیننٹ جنرل (ر) ضمیر الحسن شاہ ءَ وزارت ءِ کرد ءِ بابت ءَ سرجمیں بریفنگ دات۔ آئی ءَ مزن وزیر ءَ را لس گچین کاری 2018 ءِ ساھت ءَ اُردی کارندہ آنی ڈیوٹی دارگ ءِ بابت ءَ سرپد کت۔ مزن وزیر ءَ ماتیں وطن ءِ دیمپانی ءِ بابت ءَ وزارت ءِ ارزشتی ایں کرد ءِ توسیپ کت۔ گچین کاری کار ءِ ساھت ءَ اُردی کارندہ آنی ڈیوٹی دارگ ءِ بابت ءَ آئی ءَ گوستگیں ’’ضمنی‘‘ گچین کاری‘‘ ءِ کامیاتیں تجروبت ءِ زکر کت۔ سرپانک مزن وزیر ءَ امیت سہرا کت کہ اُردی کارندہ آنی کمک لس گچین کاری ءِ ُ ُ ایمنی ءَ برجم دارگ ءَ را دل یکیمی جوڑ کنگ ءِ کوشست ءَ کمکار سہرا بیت۔
