اسلام آباد۔ 3 جولائی (اے پی پی) سرپانک مزن وزیر جسٹس (ر) ناصرالملک ءَ گوشت کہ ملک ءِ چاگردی ءُُ اقتصادی دیمروئی ءِ واست ہ سائنس ءُُ ٹیکنالوجی ءِ دیمروئی المی اِنت، جان سلامتی ءِ ساز ءُُ سامان ءِ کد ءُُ بالاد آناں دل یکیمی کنگ ءِ واستہ توامیں سیادی داروکیں حلقہ آنی نیام ءَ کمک ءِ مھکمیں نظام آرگ ءِ ضلورت اِنت۔ آئی ءَ اے گپ سئے شمبے ءِ روچ ءَ مزن وزیر کارگس ءَ وزارت ءِ سائنس ءُُ ٹیکنالوجی ءِ کار ءُُ کامیاتی آنی بابت ءَ بریفنگ ءِ صدارت کنان ءَ کت اَنت۔ بُنجاھی وزیر سائنس ءُُ ٹیکنالوجی محمد یوسف شیخ، مزن وزیر ءِ سیکریٹری سہیل عامر، سیکرٹری وزارت سائنس و ٹیکنالوجی مسز یاسمین مسعود ءُُ ایندگر کلانہ ایں کارندہ ھم بریفنگ ءِ ساھت ءَ ساڑی اتنت۔ سیکرٹری سائنس و ٹیکنالوجی مسز یاسمین مسعود ءَ پالیشی آنی جوڑ کنگ، پٹ ءُُ پول ءُُ دیمروئی، سائنس ءُُ ٹیکنالوجی ءِ پڑ ءَ حکومت آنی کمک ءِ دیمروئی ءُُ کد ءُُ بالاد بندی ءَ ھوار وزارت ءِ جتا جتائیں ادارگ آنی کرد ءِ بابت ءَ سرپد ھم کت۔ دیوان ءَ را المی ایں کامیاتی آنی بابت ءَ سرپدی کنان ءَ گوشگ بوت کہ نیشنل انسٹی ٹیوٹ آف اوشنیالوجی ءُُ وزارت سائنس ٹیکنالوجی ءَ پاک بحریہ ءِ گوما ھوار بیت ءُُ مئے استیں زرّئی تیاب آنی 50ہزار مربع کلومیٹر ءَ چہ گیش ءِ پراھ ءُُ شاھیگان کنگ ءِ در جنگ ءَ ارزشتی ایں کرد ءِ پیلو کتگ۔
