گند ءُُ نند ءِ تہ ءَ وت مہ وتی واھگ ءُُ یکوئی کار آں ھوار دمگی سلامتی ءُُ دو نیمگی کمکی کار آنی سر ءَ چار ءُُ بچار کنگ بوت اَنت، آئی ایس پی آر
راولپنڈی۔ 3 جولائی (اے پی پی) پاک فوج ءِ سروک جنرل قمر جاوید باجوہ ءَ گوں یو ایس اے ءِ پرنسپل ڈپٹی سیکرٹری سفیر الیلس جی ویلز ءَ گند ءُُ نند کت ایشی ءِ تہ ءَ وت مہ وتی واھگ ءُُ یکوئی کار آں ھوار دو نیمگی کمکی کار آنی سر ءَ چار ءُُ بچار کنگ بوت اَنت۔ پاک اُرد ءِ شوبگ (آئی ایس پی آر) ءِ رد ءَ پاک اُرد ءِ سروک جنرل قمر جاوید باجوہ ءَ گوں یو ایس اے پرنسپل ڈپٹی سیکرٹری سفیر الیک جی ویلز ءَ جی ایچ کیو راولپنڈی ءَ گند ءُُ نند کت۔ ڈپٹی سیکرٹری سفیر الیلس جی ویلز ءَ پاکستان ءِ الس ءُُ سلاھ بندیں اُرد آنی کربانی ءُُ دلیری آناں ساڑات ءُُ ناشرکاری ءِ ھلاپ ءَ جنگ ءَ پاک اُرد ءِ کرد ءِ توسیپ کت۔ دوئین آں پڑ ءَ ایمنی ءُُ برجائی ءِ یکجاھی مول ءُُ مراد آنی در جنگ ءِ واستہ جزم ءِ درشان کت ءُُ اے بابت ءَ گامگیج آنی سر ءَ ھیال ریچی کت۔ دوئین آں جتا جتائیں تک ءَ یکوئی آناں جاڑی دارگ ءِ سر ءَ تپاک کت۔
