اسلام آباد۔ 3 جولائی (اے پی پی) سرپانک مزن وزیر جسٹس (ر) ناصر الملک ءَ گوشت کہ جمشید مارکر ھُدا مرزی بلدکاریں سفارتکار ءِ بوتگ۔ تاب ءُُ ریسیں جیڈھ آنی گیواری ءِ بابت ءَ ایشی ءِ ازمکاری آناں میاں اوستمانی تک ءَ منگ بہ بیت ءُُ ساڑاھگ بہ بیت، ھُدامرزی ملک ءِ نامداریں سفارتکار ءِ بوتگ آئی ءَ پاکستان ءِ راجی نپ ءُُ سیت ءِ دیمروئی ءِ واستہ ٹوھیں جھد ءُُ کوشست کتگ۔ اے ھیالانی درشانی آنی ءَ سئے شمبے ءِ روچ ءَ پیسریگیں سفارتکار ءَ را توسیپ ءُُ ستا پیش کنان ءَ برجم داشتگیں دیوان ءَ گشتانک دیان ءَ کت۔ مراگش درئی کارانی کارگس ءَ برجم دارگ بوت۔ سرپانک مزن وزیر اے موہ ءِ سرءَ ھاسیں مہمان اَت۔ درئی کارانی وزیر عبداللہ حسین ہارون ءَ مہمان آناں وش اتک کت ایشانی تہ ءَ صدر آزات جموں کشمیر سردار مسعود خان، کابینہ ءِ باسک، سفارتکار ءُُ پیسریگیں سفیر ھوار اتنت۔ درئی کارانی کارگس ءِ جارچین ءِ رد ءَ مزن وزیر جسٹس (ر) ناصر الملک ءَ جمشید مارکر ءِ ازمت آناں توسیپ ءُُ ستا پیش کنان ءَ گوشت کہ ھُدا مرزی ملک ءِ نامداریں سفارتکار ءِ بوتگ آئی ءَ راجی نپ ءُُ سیت ءِ واستہ مزنیں جھد ءُُ کوشست کتگ۔ صدر آزات جموں کشمیر مسعود خان ءَ گوشت کہ جمیشد مارکر پاکستان ءِ جوانیں سفیر ھوار اَنت ھما واں وتی پشت ءَ زورا پُر ایں سفارت کاری پشمندگ یل کتگ اَنت۔ سیکریٹری درئی کار تہمینہ جنجوعہ ءَ ھدا مرزی ءَ توسیپ ءُُ ستا پیش کنان ءَ گوشت کہ جمیشد مارکر ءَ کشاں چیل ءِ جاور آنی تہ ءَ ھم شائستگی ءَ سفارت کاری ازم ءَ را کارمرد کتگ۔ آئی ءَ گوشت کہ پاکستانی الس ھاسیں رنگ ءَ درئی کارانی کارگس ھُدا مرزی ءِ ازمت آناں مدام یات دار ایت۔ جمشید مارکر ھُدا مرزی ءِ جنکیں زھگ نیلوفرمارکر ءَ وتی پت ءَ را توسیپ ءُُ ستا پیش کنان ءَ درئی کارانی کارگس ءِ شگر ءُُ منت گپت۔ اے موہ ءِ سر ءَ مزن وزیر ءَ درئی کارانی کارگس ءَ جمیشد مارکر کانفرنس روم ءِ بُن ھشت ءِ دیم درائی ھم کت۔
