اسلام آباد۔ 3 جولائی (اے پی پی) ادارکی بُنجاھی وزیر اھوالکاری ءُُ شنگ کاری ءُُ راجی مڈی بیرسٹر سید علی ظفر نیشنل بک فاؤنڈیشن ءَ چلڈرن فری سمر کلب ءِ بُنگیج ءَ پد زھگ آنی گوما گند ءُُ نند ءِ کت اے ساھت ءَ آ زھگ آنی گوما گپ ءُُ تران کنان ءَ زمین ءِ سر ءَ نشت۔ زھگ آں آئی ءِ شگر ءُُ منت گپت۔ سئے
شمبے ءَ ادارکی بُنجاھی وزیر اھوالکاری ءُُ شنگ کاری ءُُ راجی مڈی بیرسٹر سید علی ظفر نیشنل بک فاؤنڈیشن ءَ چلڈرن فری سمر کلب ءِ بُنگیج کنگ ءَ پد سٹیج ءَ چہ جھل ءَ ایر کپت ءُُ زمین ءِ سر ءَ نندوکیں بازیں اسکول آں چہ اتکگیں زھگ آنی کراّ شت ءُُ زھگ آنی گوما گپ ءُُ تران ءِ کت۔ یک زھگے ءَ بنجاھی وزیر ءَ را مراگش ءَ آیگ ءِ وش اتک کت ءُُ وانگ ءُُ زانگ ءِ ھوالگ ءَ سرجمیں گپ ءُُ تران کت ایشی ءِ سر ءَ بُنجاھی وزیر سید علی ظفر ءَ بچکند اِت ءُُ گوشت کہ تو مئے رُشنائیں باندات اِت ۔ بُنجاھی وزیر توامیں زھگ آنی گوما دوت ءُُ دُراھ کت ءُُ مراگش ءَ چہ رخصت کت۔
