اسلام آباد۔ 3 جولائی (اے پی پی) صدر مملکت ممنون حسین ءَ گوشت کہ حکومت قبائلی دمگ آنی ھُداوندی مڈی ءَ چہ در کنگ ءِ واستہ ھمک رنگ ءِ رسانک در آں کارمردکنت تانکہ قبائلی دمگ آنی الس آنی زندمان ءِ آسراتی گیش بہ بنت۔ آئی ءَ اے گپ سئے شمبے ءِ روچ ءَ پیسریگیں پارلیمانی سیکرٹری محمد نذیر خان ءِ سروکی ءَ قبائلی ڈل ءَ گند ءُُ نند ءِ ساھت ءَ گوشت آئی ءَ ایوان ءِ صدر ءَ صدر ءِ مملکت ءَ گند ءُُ نند کت۔ صدر ءِ مملکت ءَ گوشت قبائلی دمگ آنی تہ ءَ استیں ھُداوندی مڈی ءَ چہ نپ ءُُ سیت چست کنگ ءِ واستہ جوانیں گامگیج چست کنگ ءِ ضلورت اِنت۔ اے مکسد ءِ واستہ السی نماھندگ آناں جوانیں گامگیج زورگی اِنت تانکہ راجی ھُداوندی مڈی ءِ کمک ءَ چہ السی زندمان ءِ بالاد بُرز ءُُ بالا بوت بہ کنت۔ صدر ءِ مملکت ءَ اے امیت سہرا کت کہ کرم تنگی ءِ جوڑیشت ءَ چہ دمگ ءِ دیمروئی ءِ ترندی گیشتر بیت، اے رد ءَ الس ءَ را حکومت ءِ گوما سرجمی ءَ کمک کنگ لوٹ ایت۔ صدر ءِ مملکت ءَ گوشت کہ دمگی جیڈھ آنی گیواری ءِ رد ءَ آئی ءِ کارگس وتی کرد ءَ پیلو بہ کنت۔
