اسلام آباد۔ 3 جولائی (اے پی پی) صدر مملکت ممنون حسین ءَ گوشت کہ تیونس افریقی دگنیا ءِ یک ارزشتی ایں ملک اِنت ءُُ پاکستان ءِ یک جوانیں دوستیں ات، ھمے ھاترا دوئیں ملک آنی نیام ءَ تجارت ءَ ھوار جتا جتائیں شوبگ آنی تہ ءَ کمک ءِ تہ ءَ گیشی ءِ واستہ پراھ ءُُ شاھیگانیں گامگیج ءِ ضلورت اِنت۔ صدر ءِ مملکت ءَ اے گپ تیونس ءِ واستہ پاکستان ءِ نامینتگیں سفیر محمد حسن گپ ءُُ تران کنگ ءِ ساھت ءَ کت اَنت آئی ءَ سئے شمبے ءِ روچ ءَ ایوان ءِ صدر ءَ آئی ءَ گوں گند ءُُ نند کت۔ صدر ءِ مملکت ءَ گوشت کہ پاکستان ءِ تیونس ءِ گوما کوھنیں ءُُ جھلانکیں یکوئی است اَنت ایشانی تہ ءَ گیشی ءِ آرگ ءِ واستہ یک شل ءَ کار کنگ ءِ ضلورت اِنت تانکہ وت مہ وتی تجارت، وانگ ءُُ زانگ ءُُ دود ءُُ ربیدگ ءِ شوبگ ءَ کمک ءِ تہ ءَ گیشی بوت کنت۔ صدر ءِ مملکت ءَ گوشت کہ پاکستان ءُُ تیونس یک رنگیں جاور ءُُ چاگردی نمب ءُُ ناس ءِ ھساب ءَ یک وڑیں ملک اَنت ایشی ءِ سبب ءَ دوئیں ملک آنی نیام ءَ کمک ءِ پڑ ءَ شاھیگانیں امیت است ایشاں چہ نپ چست کنگ ءِ ضلورت اِنت۔ آئی ءَ نامینتگیں سفیر ءَ را پنت ءُُ شون دات کہ آ اے رد ءَ پراھ ءُُ شاھیگانیں منصوبگ بندی بکن اَنت۔ آئی ءَ گوشت کہ دوئیں ملک آنی نیام ءَ تجارت ءِ تہ ءَ گیشی ءِ واستہ تجارتی ڈل ءِ ھیال ریچی ءِ سر ءَ زوت دلگوشی دیگ بہ بیت۔
