اقوام متحدہ ۔ 2 جولائی (اے پی پی) اقوام متحدہ ءِ تہ پاکستان ءِ پکہ نماھندگ ڈاکٹر ملیحہ لودھیءَ گوشت کہ پاکستان ءَ امبریگیں سال ءَ ناشرکاری ءِ گرودار ءِ ھاترا مزنیں کساس ءَ جانی ءُُ مالی قربانی داتگ انت،جیڈھ ءِ گرودار ءِ تہ پُرشانیں سوبمندی حاصل بوتگ انت بلے اے لعنت ءِ ھلاسی ءِ ھاترا باز میاں اوستمانی کمک ءِ ضلورت انت۔میاں اوستمانی ادارگ ءِ ہیڈ کوارٹر نیو یارک ءِ تہ دو روچیں ناشرکاری گرودار ءِ کانفرنس ءِ تہ باست ءُُ واست ءَ ھیالانی درشان کنان ءَ آہاں گوشت کہ پاکستان ءَ امبریں سال ءَ ناشرکاری ءِ گرودار ءِ ھاترا باز قربانی داتگ انت۔ایشی ءِ ابید ناشرکاری ءِ ھلاپ ءَ مئے جزم نزور نہ بوتگ ات۔ ڈاکٹر ملیحہ لودھیءَ گوشت کہ ناشرکاری ءِ ھلاپ ءَ جنگ ءَ سرجمیں دگنیا ءَ مستریں کارروائی پاکستان ءَ کرتگ ایشی ءَ دو لکھ سیکیورٹی کارندھ ءَ بہر زوراتگ۔نوں اے کارروائی ءِ دیمی بہر ءَ دراجیں وھد ءِ گامگیج کنگ انت۔آہاں گوشت کہ اے وھد ءَ درپیش چینلجزباز مزن انت بلے ایشاں گوں موہ ھم انتءُُ میاں اوستمانی براھندگی وت مہ وتی کمک ءِ تہ ودکی کنان ءَ اے موہ ءَ چہ گیشاں گیش پائدگ زرت کنت۔ملیحہ لودھیءَ گوشت کہ پاکستان ءَ اپریل ءَ اولی انٹر نیشنل کاؤنٹر ٹیرارزم فورمءِ برجمداری کتگ۔ایشی ءِ تہ سرجمیں دگنیا ءَ چہ ناشرکاری گرودار ءِ زانتکار ،تعلیمی زانتکار،سیاسی ءُُ مذہبی راھشون ءَ بہر زوراتگ۔اے فورم ءِ مول ءُُ مراد ناشرکاری ءِ ھلاپ دمگی ءُُ میاں اوستمانی کمک ءَ را سوگو کنگی ات۔ایشی ءِ ابید پاکستان ءِ نیشنل کاؤنٹر ٹیررازم اتھارٹی گوزوکیں ماہ ءَ اسلام آباد ءِ تہ مزن تکے میاں اوستمانی تبک ءِ میاں اوستمانی کاؤنٹر ٹیرارزم ایکسپرٹ میٹنگءِ مہمانداری کنگ انت۔
