اسلام آباد ۔ یکم جولائی (اے پی پی) محکمہ موسمیات ءِ گوشگ ءِ ردا آوکیں 24کلاکانی ساعت ءَ ملک ءِ گیشتریں دمگاں موسم گرم ءُُ ھشک بہ بیت بلے گلگت بلتستان،کشمیر ءُُ ایشی کش ءُُ گر ءَ لہتیں دمگاں ترندیں گواتاں ءُُ گرند ءُُ گروک ءَ گوں ھور ءِ گمان انت۔ محکمہ موسمیات ءِ رپورٹ ءِ ردا گوستگیں 24کلاکانی ساعت ءَ گوجرانوالہ، لاہور، فیصل آباد، سرگودھا، ملتان، ڈی جی خان، مالاکنڈ، ہزارہ ڈویژن، گلگت بلتستان ءُُ کشمیر ءِ تہ جاھے جاھے وھدیکہ میرپور خاص، سکھر، قلات، مکران، بہاولپور، راولپنڈی ڈویژن ءِ تہ لہتیں دمگاں ترندیں گواتاںءُُ گرند ءُُ گروک ءَ گوں ھور بوتگ۔درستاں چہ گیش ھورٹو بہ ٹیک سنگھ ءِ تہ 156 ملی میٹر، فیصل آباد76، منڈی بہاوٰلدین 52،گجرات47، جھنگ35، جہلم 30، گوجرانوالہ19،ساہیوال17، میرپورخاض 17، چھور13، سیدو شریف 22،کوٹلی15،خضدار13 ءُُ لسبیلہ ءِ تہ 11 ملی میٹر ریکارڈ کنگ بوتگ۔
