نیویارک ۔ 30 جون (اے پی پی)پاکستان ءَ بنی آدم ءِ ھلاپ ءَ ڈوھ ءِ گرودار ءُُ شہریانی رکھگ ءِ میاں اوستمانی زمہ واری نمباھنگ ءَ میاں اوستمانی گل ءِ جنرل اسمبلی ءِ دو دیمی معیار ءِ سرا سکیں تکانسری ءِ درشان کتگ۔ جہانی ادارگ ءَ پاکستان ءِ پکہ ءِ نماھندگ ءَ 193 باسکی جنرل اسمبلی ءِ تہ بنی آدم ءِ ھلاپ ءَ ڈوھ ءِ گرودار ءُُ شہری ءَ رارکھگ ءِ میاں اوستمانی زمہ واری ءِ باروا باست ءُُ واست ءِ تہ بہر زوراتگ۔اے گوشتانکءَ آہاں گوشت کہ دل پسندءِ کارروائیءِ آسر ءَ زورگپتگیں جموں ءُُ کشمیر ءِ تہ میاں اوستمانی براھندگی ءِ دیما کشمیری ءَ را بازیں مردماں را کور ءُُ لہتیں مردمانی قتل ءُُ کوش کنگ بوھگ انت۔ آہاں اے ھوالہ ءَ ھم دات کہ اُودا میاں اوستمانی براھندگی بین الاقوامی اقدار ءِ پاسداری کنگ ءَ بے سوب بوتگ اتءُُ غزہ ءِ میدان ءِ تہ فلسطینیانی ھور ریچگ جاڑی انت ایشی ءِ تہ لہتیں زالبول ءُُ زھگاں را شہید کنگ بوتگ وھدیکہ اقوام متحدہ ءِ سلامتی کونسلءَ ھاموش تماشائی ءِ کرد ادا کتگ۔ملیحہ لودھیءَ میاں اوستمانی گل ءِ سرا زور مان کت کہ دل پسندءُُ ڈبل معیار ءَ یلہ دات ءُُ یک چماں چارایت ءُُ اے وڈیں زلم ءُُ زوراکی ءِ گرودار ءِ ھاسیں زمہ واری ءَ یکجاھیں وڈ ءَ پورا کنت۔آہاں سلامتی کونسل ءِ نیمگا چہ کتگیں انوگیں چیزے کارروائی ءِ سرا ھم کچہ چینی کتگ۔اے درگت ءَ بھارتی سفارتی نماھندگ سندیپ کماربیاپو ءَ باست ءُُ واست ءِ تہ پسو ءِ حق کارمرز کنان بہتام جتگ کہ پاکستان ریاست جموں ءُُ کشمیرءِ در ضروری وڈ ءَ حوالہ دات میاں اوستمانی گل ءِ فورم ءِ غلط کارمرز کتگ۔آہاں گوشت کہ جموں وکشمیربھارتءِ اٹوٹ انگ انت وھدیکہ پاکستان ءِ زارشانی ءَ چہ راستی بدل مہ بیت۔ پاکستان بھارتءِ اے بیان ءِ باندا(دوشمبے) ءَ پسو دات
