اسلام آباد۔28جون (اے پی پی) ھال ءُ اھیوال کاری ءُ راج دپتری میراث ءِ بنجاھی وزیر بیرسٹرسید علی ظفر ءِ چیف الیکشن کمشنر ءَ گوں گند ءُ نندءَ پد صحافی آنی گوما گپءُ تران کتگ ءُ گشتگ کہ 25جولائی ءَ بوھوکیں لھس گچین کاری ءِ تہا الیکشن کمیشن جدید ٹیکنالوجی ءِ کارمرزی ءَ کنت کہ دنیاءِ ھاترءَ یک درورے جوڈ بیت۔ سر پانک حکومت امنءُ ایمنی، ساپءُ صّلہ ءُ وھدءِ سرءَ گچین کاری کنگءِ ھاترءَ الیکشن کمیشن ءِ گوما سرجمءَ کمک کنت، الیکشن کمیشن ءِ سرجمیں ضلورت پیلو کنگ بنت۔ آ چار شمبے ءِ روچءَ چیف الیکشن کمشنر ءَ گوں گندءُ نند ءَ پد صحافی آنی گوما گپ ءُ تران کنگءَ بوتگ۔ آئیءَ گشتگ کہ لھتیں پولنگ اسٹیشن حساس تریں ، لھتیں کمو نارمل اَنت، اگاں سکیورٹی ءِ ھاترءَ پاک فوج یا کجام ھم سکیورٹی ادارگ ءِ ضلورت بوت گڈا آوانی ازمتءَ ھم زور اَنت۔ آئیءَ گشتگ کہ امنءُ ایمنی گچین کاری کنگءَ تئی کارانی وزارت وتی زمہ واریاں سرجمءَ پیلو کنت۔
