اسلام آباد ۔ 27 جون (اے پی پی) پاکستان ءِ تہ چینی سفارت خانہ ءِ ڈپٹی ہیڈ آف مشن لیجن ژاوءَ گوشت کہ وت مہ وتی رھوت ءَ را پراھی ءَ گوں پاکستان ،عوامی جمہوریہ چین ءُُ جنوب ایشیاء ءِ دگہ ملک بیوپار ،روزگار،تعلیم ءُُ چاگردی دیمروئی ءِ موہ ءَ چہ سرجم پائدگ چست کت کن انت۔آہاں اے گپ پاک انسٹیٹیوٹ آف پیس سٹڈیز ءِ چیردستی جنوب ایشیاء ءِ وت مہ وتی رابطہ ءُُ دمگی معیشت ءِ عنوان ءَ دو روچیں کانفرنس ءِ بنداتی مراگش ءَ گوں تران کنان ءَ گوشت انت۔ کانفرنس ءِ تہ پاکستان ءِ ھوار چین، بھارت ، نیپال ، سر ی لنکا ، افغانستان ءِ زانتکار،سفارتکار،سول سوسائیٹی ءِ سروکاں ءُُ نماھندگ ءُُ نودربراں بہر زوراتگ۔ لیجن ژاو ءَ گوشت کہ چین جنوب ایشیاء ءِ تہ امن ءُُ دیمروئی ءِ ھاترا وتی کرد ادا کنگ انتءُُ پاک چین اقتصادی راہداریءِ منصوبگ دمگی کمک ءُُ جنوبی ایشیاء ءِ ملکانی دیمروئی ءِ ھاترا سکیں بنیات پھجاایت ءُُ دمگ ءِ ملک اے ممصوبگ ءَ چہ باز معاشی پائدگ چست کت کن انت۔ آہاں گوشت کہ چین ءُُ جنوب ایشیاء ءِ ملکانی کمک ءَ گوں مردمانی زند ءَ دیمروئی کائیت۔ پاک انسٹیٹیوٹ آف پیس سٹڈیزءِ چیردستی دو روچیں کانفرنسءِ برجمداری ھاسیں ارزشت دار انت۔ایشی ءَ چہ پیش ءَ عامر الیاس رانا ءَ خطبہ استقبالیہ پیش کنان ءَ گوشت کہ جنوبی ایشاء ءِ تہ چاگردی دیمروئی ءِ راھ ہموار کنگی انت ایشی ءِ ھاترا دراھیں اسٹیک ہولڈرز ءِ وت مہ وتی کمک المی انت۔ بھارت ءِ تہ پاکستان ءِ پیسریگیں ہائی کمشنر رعزیز احمد خان،سدہندراہ کلکرنی، ڈاکٹر وانگ ژو، ایگزیکٹو ڈائریکٹر کھٹمندڈو سکول آف لاء نیپال ڈاکٹر یوباراج سنگوولا،ڈاکٹر خالدہ ، انعام الحق، تاج حیدر، افرسیاب خٹک ، ڈاکٹر فضل الرحمن ، بیرسٹر شہزاد اکبر، شہزادہ ذولفقار، محمد زبیر موتی ولا، رحیم اللہ یوسفزائی ، محمد عامر رانا، بسم اللہ علی زادہءُُ دگہ گشندہ ءَ ھیالانی درشان کتگ ءُُ اے ھوالہ ءَ وتی سلہ ءُُ سپارش ھم داتگ انت۔
