اسلام آباد ۔ 27 جون (اے پی پی) صدر مملکت ممنون حسینءَ گوشت کہ آسٹریا ءُُ آسٹریلیا ءِ تہ پاکستانی ورناہانی مزنیں کچ وانگ انت۔اے درگت ءَ دوئیں ملکاں گوں کمک ءَ را گیش کنگ ءِ ضلورت انت۔آہاں اے گپ چار شمبے ءَ آسٹریا ءُُ آسٹریلیا ءِ ھاترا پاکستان ءِ نامینتگ ءِ سفیر منصور احمد خان ءُُ بابر امین ءِ گوما گپ ءُُ تران کنان ءَ گوشت ات۔ صدر ممنون حسین ءَ دوئیں نامینتگ ءِ سفیراں را کڈنی دات کہ آں دوئیں ملکاں گوں بیوپاری ڈل ءِ تروتاب ءِ پروگرام ءَ جوڈ کن انت ءُُ ربیدگی کمک ءِ گیشی ءِ ھاترا کار ءَ کن انت۔آہاں گوشت کہ آسٹریا ءُُ آسٹریلیا ھاسیں ملک انت ایشاں گوں پاکستان دراھیں تک ءَ سیادی ءُُ کمک ءَ را گیش کنگ ءِ واھشت مند انت۔آہاں نامینتگ ءِ سفیراں را پنت ءُ شون دات کہ دوئیں ملکاں پاکستان ءِ شریں پجار دیما آرگ ءُُ ملک ءِ سیل ءُُ سواد ءِ پراھی ءِ ھاترا اے ملکانی جاور ءَ گہتر جوڈ کن انت ءُُ دوئیں ملکانی میان ءَ بیئپاری ءِ تہ ودکی ءِ ھاترا نوکیں موہ ءَ پول انت۔آہاں گیش گوشت کہ دوئیں ملکانی بیوپاری براھندگی یک دومیگ ءِ میان ءَ سیادی ءَ سوگو کن انت ایشی ءِ سبب ءَ دوئیں ملک ءِ پیئپاری براھندگی پائدگ چست کت کن انت۔صدر مملکت ءَ گیش گوشت کہ آں پاکستان ءِ تہ لہتیں تک ءِ تہ زرکاری ءِ ھاترا دوئیں ملکانی زرکاراں را دلگوشی دنت۔آہاں پنت دات کہ آں پاکستانی مردمی تاگت ءِ تہ گیشی ءِ ھاترا کار کن انت ءُُ اودا ساڑی پاکستانی کمیونٹی ءِ فلاح ءُُ بھبودءِ ھاترا گام ءَ چست کن انت۔
