لس گچینکاری 2018ءِ ساپ ءُُ پلگاریں برجمداری ءِ ھاترا الیکشن کمیشن ءِ کمک ءَ پہ چار ءُُ ٹپاس کتگ،آئی ایس پی آر
راولپنڈی ۔ 27 جون (اے پی پی) چیف آف آرمی سٹاف جنرل قمر جاوید باجوہءِ سروکی ءَ 211می کور کمانڈرز کانفرنس چار شمبے ءَ جنرل ہیڈ کوارٹرز ءَ برجم بوتگ۔ایشی ءِ تہ جگرافیائی ءُُ سٹرٹیجک ماحول ءُُ دمگ ءِ انوگیں سیکورٹی ءُُ دگہ دیمروئی ءِ جائزگ گرگ بوتگ۔ آئی ایس پی آرءِ نیمگا چہ جاڑی بیان ءِ ردا فورم ءَ تہی امن ءُُ گہبودی ءِ ثمرات ءَ را سیمسراں چہ دیما دمگ ءَ تاں گیش کنگ ءِ ھاترا کتگیں جوانیں کوشستاں کمک برجاہ ایر کنگ ءِ پیسلہ کتگ۔ پائیدار امن ءُُ گہبودی ءِ حصول ءِ جزم ءَ گوں آپریشن ردالفساد ءُُ کلیئر دمگاں چاگردی ءُُ اقتصادی دیمروئی ءِ ھم جائزگ گرگ بوتگ۔کانفرنس ءَ لس گچینکاری 2018ءِ آزاتیں ،ساپ ءُُ پلگاریں برجم داری ءِ ھاترا الیکشن کمیشن آف پاکستان ءَ را مینڈیٹ ءِ ردا کمک ءِ پھجارگ ءِ سرا چار ءُُُ ٹپاس کتگ۔ چیف آف آرمی سٹاف ءَ کڈن دات کہ اے یک راجی فریضہ ،دفاع ءُُ تہی سیکیورٹی چیلنجز ءَ چہ دلگوشی دور دیگ ءِ ابید باز ذمہ واری ءَ گوں انجام دیگ بیت۔
