اقوام متحدہ ۔ 26 جون (اے پی پی) پاکستانءَ مشرق وسطیٰءِ جیڈھ ءِ پکہ ءِ حل ءِ سرا زور مان کنان ءَ گوشت کہ ایشی ءِ بنیات فلسطینی ءَ گوں انساپ ءَ ھوار بیت، اقوام متحدہ ءِ سلامتی کونسلءِ ھاترا مشرق وسطیٰ ءُُ شمالی افریقہ ءِ جاور ھال ءِ گیشینگ ءِ ھاترا ءَ دمگ ءَ را لہتیں چیلنجز ءِ حل پولگ المی انت ءُُ سرپد کتگ کہ انصاپ ءِ ابید امن ممکن نیست ات۔ اقوام متحدہ ءِ تہ پاکستان ءِ پکہ نماھندگ ملیحہ لودھی ءَ میاں اوستمانی ادارگ ءِ تہ یک باست ءُُ واست ءِ تہ بہر زوران ءَ گوشت کہ کستریں پائدگ ءُُ دروگیں حال ءَ دمگ ءِ مھلوک ءَ را جنجال ءِ آماچ کتگ۔آہاں گوشت کہ اے گپ اپسوز ناک انت کہ دو ریاستی حل میاں اوستمانی براھندگی ءِ چمانی دیما پُر کنگ بوھگ انت۔آہاں گوشت کہ فلسطینی غزہ ءِ تہ کوشگ بوھگ اتنت ءُُ سلامتی کونسل ھاموش ات ءُُ وتی کرد ادا کت مہ کرتگ۔باست ءُُ واست ءِ بنگیجی ءَ اقوام متحدہ ءِ سیکرٹری جنرل انٹونیو گوٹریسءَ سلامتی کونسلءِ سرا زور مان کتگ کہ آں مشرق وسطیٰ ءُُ شمالی افریقہ ءِ چیلنجز ءَ حل کنت۔آہاں گوشت کہ دھکاں چہ کوھنیں جیڈھ ءَ نوکیں جیڈھ ءَ گوں ھواری ءَ چاگردی ناانساپی ،کمیں بیوکیں جمہوری گردو ،ناشرکاری ءُُ بیم کاری ءَ چہ امن ،پائیدار دیمروئی ءُُ انسانی حق ءَ را ھطرہ ءِ دیمپان انت۔ ڈاکٹر ملیحہ لودھیءَ گوشت کہ مستریں میاں اوستمانی تاگت ءَ وتی پائدگ ءِ برزی ءِ ھاترا دمگ ءَ عدم استحکام ءُُ لٹ ءُُ کٹ ءَ گوں ہمگرنچ کتگ ایشی ءِ آسر ءَ یک مزنیں جیڈھ ءِ امکان انت۔پاکستانی سفیر ءَ اے ڈنی عناصر ءَ سکیں کچہ چینی ءِ نشانگ جوڈ کت ہمہ کہ وتی سیاسی دلگوشی ءِ ردا ہڈ دیگ لوٹگ انت۔آہاں گوشت کہ فلسطین مشرق وسطی ءِ جیڈھ ءَ چہ پیدا نہ بوتگ بلکہ دمگ ءِ تہ عدم استحکام ءِ بنیاتی سبب انت، مشرق وسطیٰءِ تہ امن ءِ راھ فلسطین ءِ جیڈھ ءِ منصفانہ حل ءِ تہ انت۔آہاں گوشت کہ اقوام متحدہ ءِ جنرل اسبملی ءَ 13 جون ءَ اے گپے درشان کت کہ فلسطینی ءَ را وتی رکھگ ءِ حق بوھگ لوٹ ایت ایشی ءِ درشان سلامتی کونسل ءَ وتی منگ نامہ ءِ تہ لہتیں رند ءَ کتگ ات بلے سلامتی کونسل یکم جون ءَ ایشی ءِ پلہ مرزی ءَ سوبمند نہ بوتگ۔ پاکستانی مندوبءَ گوشت کہ عراق ءِ تہ گوستگیں ماہ ءَ پارلیمانی گچینکاری بوتگ ات ہمہ کہ جمہوریت ءِ ھاترا نوکیں تاک ءِ ودکی انت وھدیکہ شام ءِ تہ اے کار سست انت اے ھاتراسیاسی عمل ءِ نیمگا چہ ہر یک گام ملک ءِ تہ امن ءِ نیمگا چہ دیمروئی بیت۔ یمنءِ جاورھال ءِ حال کنان ءَ آہاں گوشت کہ یمن ءِ تہ سیاسی کوشستانی ضلورت ات ءُُ انساپ ءِ در ساڑی ءِ تہ امن ہڈ نہ بوت کنت۔
