اسلام آباد ۔ 26 جون (اے پی پی) پاکستان ءِ تہ داشتگیں چین ءِ قائم مقام سفیر چاؤ لی چیئن ءَ گوشت کہ چین ءِ حکومت پاکستان ءِ مگربی بہر ءَ را سی پیک ءَ گوں ہمگرنچ کنگ ءِ ھوالہ کتگیں گامگیج ءِ پلہ مرزی کنگ انت۔آہاں گوشت کہ صدر شی جن پنگ ءِ نظریہ ءِ ردا چین پاکستان اقتصادی راھداری ءِ منصوبگ ءِ تہ پاکستان ءِ دراھیں بہراں را ھوار کنگ بیت،تنکہ دمگے دکہ ملک ھم اے منصوبگ ءَ چہ پائدگ ءَ چست کت کن انت۔آہاں گوشت کہ 2013ءِ تہ بناء بیوکیں سی پیک ءِ منصوبگ 2030ءِ تاں جاڑی بہ بیت۔چینی قائم مقام سفیر ءَ گیش حال دات کہ سی پیک ءِ ردا جوڈ بیوکیں لہتیں منصوبگ آنی ردا ہزاراں مردماں را روزگارءِ موہ رسیت ،ایشی ءِ تہ کراچی لاہور موٹروے ءَ 24 ہزارمردم وھدیکہ قراقرم ہائی وے ءِ فیز 2 ءِ تہ 6 ہزار 400، بن قاسم بجلی گھر ءِ تہ 3 ہزار ءُُ قائد اعظم سولر پارک ءِ تہ 1500 مردم ءَ را روزگار پھجارگ بیت۔
