اسلام آباد ۔ 26 جون (اے پی پی) اپیلٹ ٹریبونل نءَ پیسریگیں مزن وزیرشاہد خاقان عباسیءِ نام گپتی کاگد رد کنگ ءِ ریٹرننگ آفیسر ءِ پیسلہ کلعدم کنان ءَ آہاں را اسلام آباد ءَ چہ حلقہ این اے 53 ءَ چہ گچینکاری ءَ بہر زورگ ءِ اجازت داتگ۔شاہد خاقان عباسیءَ اے ساعت ءَ گوشت کہ ءُ سرجم ءِ وڈ ءَ گچینکاری ءَ بہر زورانت ءُُ مسلم لیگ (ن)ءِ سوبمند بیت۔سئے شمبے ءَ ایپلٹ ٹریبونل اسلام آباد ءِ تہ ریٹرننگ آفیسر ءِ نیمگا چہ پیسریگیں مزن وزیر شاہد خاقان عباسی ءِ نام گپتی کاگد رد کنگ ءِ پیسلہ ءِ ھلاپ ءَ ایشی ءِ دزبندی ءِ گوشداری کتگ ایشی ءِ پدا ایپلٹ ٹریبونلءِ نیمگا چہ ریٹرنگ آفیسر ءَ پیسلہ کالعدم کنان ءَ آیاں ءَ را گچینکاری ءَ بہر زورگ ءِ اجازت داتگ۔پدا رسانکدر ءَ گوں گپ ءُُ تران کنان ءَ پیسریگیں مزن وزیر شاہد خاقان عباسی ءَ گوشت کہ وتی حلقہ ءِ مردمانی ہزمت کتگ ات ایشی ءَ را ریٹرنگ افسرءَ غلط سمجھتگ وھدیکہ عمران خان ءَ شق حالی یلہ دات چیاکہ آہاں ہچ نہ کتگ۔آہاں گوشت کہ این اے 59 ءَ چہ مئے امیتوار ءَ را نیب ءَ دزگیر کت ہمہ باز تکانسری ءِ گپ انت۔منی ادارکی حکومت ءُُ نیب ءَ چہ دزبندی انت کہ قمر الاسلام ءَ را یلہ دنت ۔ شاہد خاقان عباسی ءَ گوشت کہ اے گچینکاری ءَ چہ پیش ءَ دھاندلی انت ،نیب ءِ ھرابی ایوکا مسلم لیگ (ن) ءَ را نظر آھگ انت،سئے رند ءَ مزن وزیر بیوکیں مردم ءَ را سد ءَ چہ گیش پیشی ءِ سرا لوٹائینگ بوتگ ۔نیب ءِ آمیدگس ءَ چہ کدی ھم نواز شریف ءَ را انساپ نہ رسیت۔شاہد خاقان عباسیءَ گوشت کہ نواز شریف نہ تچگ ات آں زوت واتر بنت۔آہاں گوشت کہ نام گپتی کاگد ءَ مڈیانی مالیت ءُُ آہانی بہازورگ ءِ وھد پدر کنگ بوھگ انت ،آہاں اے امیت ءِ درشانی کت کہ این اے 59 ءِ تہ چوہدری نثارءِ ہمدردی ھم وتی گل ءَ گوں بنت۔
