اسلام آباد ۔ 26 جون (اے پی پی) الیکشن کمیشنءَ لس گچینکاری 2018ءِ پر امنیں وڈ ءَ برجمداری ءُُ پولنگ روچ ءَ ناوشیں واکیہ ءِ گرودار ءِ ھاترا پاک پوج ءِ تعینات کنگ ءِ ھاترا نمدی وزارت دفاع ءَ دیم داتگ۔ایشی ءِ ردا پولنگ اسٹیشن ءِ سرا 23 جولائیءَ چہ بگر داں26 جولائی 2018ءَ تاں فول پروف سیکورٹیءِ ھاتراپاک پوج ءِ ایر کنگ ءِ گوشگ بوتگ۔ الیکشن کمیشن ءِ نیمگا چہ جاڑی پریس ریلیز ءِ ردا الیکشن کمیشن ءَ پولنگ سٹیشنءِ تہءَ ءُُ ڈن ءَ فوج ءِ تعیناتی ءِ پیسلہ کنگ بوتگ۔ فوج ءِ تعیناتی ءِ ھاترا وزارت دفاع ءَ نمدی دیم دیئگ بوتگ۔ایشی ءِ ابید بیلٹ پیپرز ءِ چھاپ ءُُ پھجارگ ءِ ساعت ءَ پرنٹنگ کارپوریشن آف پاکستان پریس اسلام آباد، نیشنل پرنٹنگ سیکورٹی کمپنی کراچی ءُُ پاکستان پوسٹ فاؤنڈیشن اسلام آبادءِ سرا پاک فوج ءَ را 27 جون ءَ چہ 26 جولائی ءَ تاں تعینات کنگ بیت۔
