ادارکی مزن وزیر جسٹس (ر) ناصر الملک ءِ ترک صدر رجب طیب اردوان ءَ را پارلیمانی ءُُ صدارتی گچین کاری ءَ
جوانیں کامیاتی ءِ پد ءَ مبارک بات
پاکستان ءُُ ترکی ءِ نیام ءَ راجدپتری براتی ءُُ سیادی آیوکیں باندات ءَ گیش مھکم بنت، جسٹس (ر) ناصر الملک
اسلام آباد۔ 25 جون (اے پی پی)ادارکی مزن وزیر جسٹس (ر) ناصر الملک ءَ ترک صدر رجب طیب اردوان ءَ را پارلیمانی ءُُ صدارتی گچین کاری ءَ راجدپتری کامیاتی ءِ سر ءَ مبارکی دیان ءَ اے جزم ءِ سرءَ زور پر دات کہ اے گچین کاری کامیاتی صدر اردوان ءِ سروکی ءُُ ویژن ءِ جوانی اِنت ءُُُ اے کے پارٹی ءِ چیر دستی ءَ جوانیں باج برئی ءِ درور اِنت۔ درئی کارانی کارگس ءِ نیمگ ءَ دو شمبے ءَ جاڑی بوتگیں بیان ءِ رد ءَ مزن وزیر ناصر الملک ءَ صدر رجب طیب اردوان ءِ نام وتی کلوہ ءِ تہ ءَ صدارتی گچین کاری ءُُ پارلیمانی الیکشن ءَ آئی ءِ گل ءِ جسٹس اینڈ ڈویلپمنٹ پارٹی (اے کے پی) ءِ کامیاتی ءِ سر ءَ آئی ءَ را مبارکی دات۔ مزن وزیر ءَ ترک جمہوری ادارگ ءُُ بالاد ءِ برجائی ءَ را ساڑاھان ءَ ترکی ءِ حکومت ءُُ الس ءَ را پارلیمانی ءُُ صدارتی گچین کاری ءِ ایمنیں برجائی ءِ سرءَ مبارکی دات۔ آئی ءَ گوشت کہ پاکستان ءِ الس آناں ترکی ءِ دیمرؤی ءِ سرءَ پگر اِنت۔ آئی ءَ امیت سہرا کت کہ پاکستان ءُُ ترکی ءِ نیام ءَ راجدپتری براتی ءِ ریشگ آیوکیں باندات ءَ گیش مھکم بنت۔ آئی ءَ حکومت ءِ پاکستان ءِ نیمگ ءَ توامیں شوبگ آنی تہءَ استیں اسٹریٹجک دو نیمگی یکوئی آناں گیش شاھیگانی دیگ ءِ واستہ ترکی ءِ براتیں حکومت ءِ گوما ھوار بوھگ ءُُ کار کنگ ءِ جزم ءِ درشان کت۔
