لاہور ۔ 25 جون (اے پی پی) سرجمیں ملک ءِ دراھیں چیمبرز آف کامرس اینڈ انڈسٹریز ءُُ یونائیٹڈ بزنس گروپءَ لس شہریاں،زرکاراںءُُ مزنیں بیوپاری مردماں گوشت کہ آں حکومت ءِ نیمگا چہ جاڑی ٹیکس ایمنسٹی اسکیم ءَ چہ سرجم پائدگ ءَ چست کن انت۔ٹیکس اسکیم گہتر ءِ وڈ ءَ تیار کنگ بوتگ انت ایشی ءِ وسیلگ ءَ تہی ءُُ ڈنی ساڑی مڈی ءُُ زرءَ را کمو ٹیکس ءِ بدل ءَ پدر کنگ ءِ موہ پھجارگ کنگ بوتگ ات۔سارک چیمبر آف کامرس اینڈ انڈسٹریءِ سینئر نائب صدر ءُُ یونائیٹڈ بزنس گروپءِ چیئرمین افتخار علی ملکءَ دوشمبے ءَ وتی جاڑی بیان ءَ گوشت کہ حکومت ءَ اے ٹیکس ایمنسٹی سکیم گہتریں وڈ ءَ تیار کتگ اتءُُ ایشی ءِ ہمگرنچ کلیں مردماں را پائدگ زورگ لوٹ ایت۔ٹیکس ایمنسٹی سکیم ءِ پائدگ ءِ حال کنان ءَ افتخار علی ملک ءَ گوشت کہ ایشی ءَ چہ حکومت ءِ ٹیکس آمدن ءُُ درملکی مڈیانی ءِ امبار ءَ ودکی ءُُ کرنٹ اکاونٹ تاوان ءَ کمی کائیت۔آہاں گوشت کہ اے اسیکم ءَ چہ ادائیگی ءَ توازن ،ڈنی زرکاری ءُُ اقتصادی سرگرمیانی تہ ھم ودکی کائیت۔افتخار علی ملکءَ گوشت کہ گوستگیں حکومت ءِ نیمگا چہ ٹیکس گہترکاری پیکج ءُُ ٹیکس ایمنسٹی سکیمءِ اجراء ءَ چہ سرکاری آمدنی ءِ تہ ودکی ءَ گوں ھوار ٹیکس ادا نہ کنوکیں مردمءُُ ادارگ ءَ را ٹیکس نیٹ ءِ تہ آرگ ءَ کمک رسیت۔آہاں گوشت کہ ملک ءِ آباتی 20کروڑ 70لکھ ءَ چہ گیش مردم ءَ گوں ھوار انت۔افتخار علی ملک ءَ گوشت کہ فیڈرل بورڈ آف ریونیو ءِ چیئرمین ءِ دوروچ پیش ءَ بنجاہی بن شہر ءَ منی ،بنجاہ ایوان ہائے صنعت و تجارت ءِ صدر غضنفر علی بلور ءُُ بیوپاری راھشون ءَ گوں سرجمیں گند ءُُ نند بوتگ اے ساعت ءَ آہاں اے اسکیم ءَ بہر زوروکیں مردماں گوں سرجم کمک ءِ یقین داتگ۔چیئرمین ایف بی آرءَ سدکی دات کہ حکومت نوکیں صنعتانی دیمروئی ءِ ھاترا جندی شوبگ ءَ آسراتی پھجارایت۔افتخار علی ملکءَ گوشت کہ اے وھد ءَ ملک ءِ تہ امن ءُُ ایمنی ءِ جاورھال سرجم بحال بوتگ انتءُُ مردم اے ایمنسٹی سکیمءَ چہ پائدگ چست کنان وتی استیں زراں واتر بیارانت۔ سکیم 30 جونءَ تاں برجاہ بیت ۔آہانی گوشگ ات کہ اے سکیم ءِ ردا کمپیوٹرائزڈ قومی شناختی ءَ رانیشنل ٹیکس نمبر قرار دیگ بوتگ ایشی ءَ چہ مردم وتی ٹیکس ریٹرن جم کت کن انت۔
