اسلام آباد ۔25 جون (اے پی پی) آبپاشیءِ بنیاتی انفراسٹرکچر ءِ ھرابی ءِ آسر ءَ خیبر پختونخوا وتی بہرءِ 2.81 ملین ایکڑ فٹ کم آپ کارمرز کنگ بیت۔میاں اوستمانی بینک ءِ رپورٹ ءِ ردا پاکستان ءَ آپ ءِ صوبائی بہر ءُُ بانگ ءِ ردا آبی وسیلگ ءِ تہ کے پی کے ءِ بہر 8.78ملین ایکڑ فٹ انت وھدیکہ گوزوکیں سال ءَ خیبر پختونخوا ایوکا 5.97ملین ایکڑ فٹ آبپاشی ءِ آپ کارمرز کت کنت۔ایشی ءِ ابید جم کتگیں ھار ءِ آپ ءِ 14درسد بہر ضیان بوھگ انت۔ رپورٹءِ ردا خیبر پختوتخوا ءِ تہ آبپاشی ءِ آپ ءِ پھجارگ ءِ نظام کوھن بوھگ ءِ سبب ءَ ایشی ءِ استعداد ءَ کمی بوتگ ایشی آسر ءَ خیبر پختونخوا وتی بہر ءِ آپ ءَ ھم کارمرز کنگ ءَ چہ زبہر انت۔میاں اوستمانی بینک ءَ صوبگ ءِ تہ آبپاشی ءِ آپ ءِ بنیاتی انفراسٹرکچر ءِ پراھی ءُُ گہتری ءِ ھاترا 160ملین ڈالر ءِ منصوبگ تیار کتگ انت ایشی ءِ سرا آوکیں سال ءِ بندات ءَ کار بناء بوھگ ءِ گمان انت۔
