اسلام آباد۔ 25 جون (اے پی پی)بُنجاھی وزیر اھوالکاری ءُُ شنگ کاری ءُُ راجی مڈی بیرسٹر سید علی ظفر ءَ گوشت کہ جمہوریت ءَ را میڈیا ءِ ضلورت اَِنت، ادارکی حکومت سرجمی ءَ شید ءُُ بید اِنت، بلیم گیم ءِ بھر جوڑ بوھگ ءَ ابید وزارت ءُُ شوبگ آنی ھوالگ ءَ راستی آں راج ءِ دیم ءَ ایر کنگ ءَ آں، جمہوریت ءَ را ھک رسانی، سگ ءُُ اوپار ءُُ دروگیں ھال آنی وڑیں ترس ءُُ بیم آں گوں دیم پہ دیمی اِنت، ما دُرستانی ھد ءُُ ابیل ایش اِنت کہ کرپشن ءِ ھلاسی کنگ بہ بیت ایشی ءِ واستہ توامیں جمہوریت ءَ را معاشی بروبرئیءَ گوں دیم پہ دیمی اِنت، ما دُرستانی ھد ءُُ ابیل ایش اِنت کہ کرپشن ءِ ھلاسی کنگ بہ بیت ایشی ءِ واستہ توامیں ھال، راستی راج ءِ دیم ءَ ایر کنگ لوٹ آں، ساپ ءُُ تچکیں گچین کاری الیکشن مئے ھد ءُُ ابیل اِنت، نگران حکومت شپ ءُُ روچ کار کنگ ءَ انت، حکومت ءَ را جوانیں رنگ ءَ چلائینگ ءِ واستی میڈیا ءَ را آن بورڈ زورگ المی اِنت، میڈیا گہتری ءِ واستہ حکومت ءِ سروکی ءَ بکنت۔ آ دو شمبے ءَ سی پی این ای ءِ ایڈیٹرز سٹینڈنگ کمیٹی ءِ دیوان ءَ گشتانک دیگ ءَ ات۔ بُنجاھی وزیر بیرسٹر سید علی ظفر ءَ گوشت کہ حکومت ءَ را ساپ ءُُ سلئی ءَ چلائینگ لوٹ ایت، حکومت ءَ را جوانی ءَ چلائینگ ءِ واستہ یک ایں رپک اِنت کہ ھال آناں شئیر کنگ بہ بیت، میڈیا ءَ را ھم سر پد کنگ بہ بیت کہ ھمک پیسلہ ءِ پشت ءَ یک پشدر ءِ است ءُ ُ راستی ءِ است اِنت وھدیکہ تاں وھد ءِ اے وڑ مہ بیت ھما وھد ءَ حکومت جوانیں رنگ ءَ نہ چل ات کت کنت۔
