راولپنڈی 24جون(اے پی پی )لاہور ہائی کورٹ راولپنڈی ءِ اپیلٹ ٹربیونل ءِ تہ پیسریگیں مزن وزیر شاہد خاقان عباسی ءِ نام گپتی کاگدانی ءِ ھلاپ ءَ جم کتگیں دزبندی ءِ گوشداری (مروچی) دوشمبے 25جون ءَ بیت۔پیسریگیں مزن وزیر شاہد خاقان عباسی ءِ نام گپتی کاگدانی سرا این اے 57ءِ اعتراض ءِ معاملہ ءِ سرا ھپتگ ءَ اپیلٹ ٹربیونل ءِ تہ گوشداری بوتگ ات۔اے ساعت ءَ این اے 57 ءِ تہ شاہد خاقان عباسیءِ نام گپتی ءِ معاملہ ءِ سرا شاہد خاقان عباسی ءِ وکیل ءَ آمیدگسءَ چہ تیاری ءِ ھاترا وھد دیگ ءِ دزبندی کتگ ات۔ آمیدگس ءَ وکیل ءِ دزبندی منظور کنان ءَ کیس ءِ گوشداری داں 25جون (دوشمبے) ءَ تاں مھتل کتگ ات۔ اے پی پی ءِ ردا شاہد خاقان عباسی ءِ وکیل طاہر عباسی آر او ایپلنٹ ٹربیونلءِ دیما پیش بوتگ ات۔پدر بہ بیت کہ لاہور ہائی کورٹ راولپنڈی بینچ ءِ جسٹس عبادالرحمن لودھی ءَ ھوار الیکشن ٹربیونلءَ این اے 57 مری ءَ چہ پیسریگیں مزن وزیر شاہد خاقان عباسی ءِ نام گپتی کاگد انی ھلاپ ءَ مسعود احمد عباسی ءُُ محمد عمر ءِ نیمگا چہ جم دزبندیانی سرا نوٹس شنگ کنان شاہد خاقان عباسی ءِ ھوار ریٹرننگ آفیسرءَ را ھم ریکارڈ ءِ ھوار 23جونءَ لوٹ اتگ ات۔راجی رسانکدر ءِ وسیلگ ءِ ردا دزبندی کنوکانی گوشگ ات کہ شاہد خاقان عباسی ءَ وتی نام گپتی کاگدانی تہ بدلی آورتگ ءُُ سرکاری وسیلگ ءَ چہ وتی بچ ءَ را عمرہ کنگ ءَ پہ یک بلین کلدار داتگ ات مزن وزیر ءِ بستار ءَ شاہد خاقان عباسی ءَ پیسریگیں مزن وزیر نواز شریف ءِ متنازع گلگدار ءِ پلہ مرزی کتگ ات۔
