اسلام آباد ۔24 جون (اے پی پی)ملکءِ لہتیں دمگانی تہ بازیں سیاسی گلانی نیمگا چہ سیاسی مچی ءَ گوں ھوار یک شمبے ءَ چہ الیکشن جنز بناء کتگ انت۔ ریڈیو پاکستانءِ گوشگ ءِ ردا پاکستان مسلم لیگ (ن) باندا کراچی ءَ چہ وتی گچینکاری جنز ءِ بنداتی کن ایت، گلے صدر شہباز شریف کراچی ءِ تہ لہتیں مراگشاں بہر ءُُ مچی ءَ گوں گوشتانک ھاترا شہر ءِ تروتاب کنگ انت۔ پاکستان تحریک انصاف ءِ سرکماش عمران خان میانوالیءِ تہ یک اُلسی روانک ءَ گوں گوشتانک دیگ انت آں وتی پت ءُُ پیروکی حلقہ این اے95ءَ چہ گچینکاری جنز ءِ بنداتی کنگ انت۔یک بیان ءَ عمران خانءَ گوشت کہ ایشی ءِ گل حاکمی ءَ آھت پاکستان ءَ را قائداعظم محمدعلی جناح ءُُ علامہ اقبالءِ پکر ءِ ردا دیمروئی ءِ راھ ءَ گامزن کن ایت۔آہاں گوشت کہ تحریک انصاف عظیم پاکستانءِ واب ءَ را سرجم کنت۔اُودا عوامی مسلم لیگءِ کماش شیخ رشید احمدءَ یک شمبے ءَ راولپنڈیءَ چہ وتی گچینکاری جنز بناء کتگ۔اے ساعت ءَ آہاں گوشت کہ منی گل آوکیں لس گچینکاری ءَ سوبمند بیت۔
