صوبائی اسمبلیءِ ھاترا 15ہزار 693امیتواراں نام گپتی کاگد جم کنائینتگ انت
اسلام آباد ۔24 جون (اے پی پی)لس گچینکاری 2018ءِ ھاترا راجی اسمبلی ءِ نشستانی ھاترا 5ہزار 473امیتواراں نام گپتی کاگد جم کنائینتگ انت وھدیکہ صوبائی اسمبلی ءِ ھاترا 15ہزار 693امیتواراں نام گپتی کاگد جم کنائینتگ انت وھدیکہ 2013ءِ لس گچینکاری ءِ تہ نام گپتی کاگد جم کنوکانی کچ ءُُ کساس 2018 ءِ مقابلہ ءَ گیش اتنت۔سرجمیں حالانی ردا لس گچینکاری 2018ءِ تہ بنجاہی اسمبلی ءِ سیٹانی ھاترا 5ہزار 473امیتواراں نام گپتی کاگد جم کنائینتگ انت ایشانی تہ صوبہ بلوچستانءَ چہ 35امیتوار ، صوبہ خیبر پختونخواءَ چہ 992، صوبہ پنجاب ءَ چہ 2ہزار 700ءُُ صوبہ سندھءَ چہ ایک ہزار 346امیتواراں نام گپتی کاگد جم کنائینگ انت۔اے وڈ ءَ چاریں صوبائی اسمبلیانی ھاترا 13ہزار 693امیتواراں نام گپتی کاگد جم کنائینتگ انت۔ایشاں چہ صوبہ بلوچستان ءَ چہ یک ہزار 400، صوبہ خیبر پختونخوا ءَ چہ یک ہزار 926، صوبہ پنجابءَ چہ 6ہزار 747ءُُ صوبہ سندھ ءَ چہ 3ہزار 626امیتواراں گچینکاری ءَ بہر زورگءِ ھاترا نام گپتی کاگد جم کنائینتگ انت۔راجی اسمبلی ءُُ چاریں صوبگانی ھاترا مچ ءِ وڈءَ 21ہزار482امیتواراں نام گپتی کاگد جم کنائینتگ انت وھدیکہ 2013ءِ لس گچینکاری ءَ چاریں صوبائی اسمبلی ءُُ راجی اسمبلی ءِ ھاترا 28ہزار302امیتواراں نام گپتی کاگد جم کنائینتگ اتنت ۔پدر بہ بیت کہ نام گپتی کاگد جم کنوکیں امیتوار 29جون ءَ چہ پیش ءَ وتی نام گپتی کاگد اں واتر زورت کن انت۔جار جتگیں وھد ءِ پدا نام گپتی کاگدواتر نہ بنت۔
