اسلام آباد۔19جون (اے پی پی ) مزن شاہ آمید طلال چوہدری ءِ ھلاپ ءَ آمید گس بے شرپی کیس ءِ تہا آئیءِ وکیل ءِ پیش نہ بوھگءِ سرءَ سک باز برانز گپتگ ۔ جسٹس گلزار احمدءَ گشتگ کہ کیسءَ را ایچ وڈءَ مھتل نہ دار اَنت، اگاں پونشی وکیل ساڑی نہ بوت گڈا طلال چوہدری دگہ نوکیں وکیلے بیاریت۔ مقدمہ جسٹس گلزار احمد ءِ سروکی ءَ سئے باسکی بینچ ءَ گوشداشتگ۔ طلال چوہدری ءِ وکیل کامران مرتضیٰ پیش نہ بوتگ۔ آئیءِ کمک کار وکیل ءَ ھال داتگ کہ کامران مرتضیٰ ءِ طبیعت شر نہ اِنت، کامر ان مرتضیٰ ءِ ھاندانءَ سورءُ سانگ ھم بوھگءَ اَنت، کیس ءِ مھتل دارگ ءِ دزبندی کنگ بوتگ۔ جسٹس گلزار احمد ءَ گشتگ کہ اے کیسءِ ھا ترءَ ھاسیں بنچ جوڈ کنگ بوتگ، دو جج کراچی ءَ چہ اے کیس ءِ ھاترءَ اَکتگ اَنت، مہ کیس ءَ ر ا مھتل نہ کن اَنت، اگاں آ دزگٹ بوتگ اَنت پیسرءَ چہ ھالے بیدات اِنت ، اے درسیں ھال کامران مرتضیٰ ءَ را پیسرءَ چہ معلوم داری بوتگ، آئیءَ وتی مرضیءِ رمس زُرتءُ شتگ، تو وت گواہانی سرءَ جرح بہ کن۔ کمک کاریں وکیلءَ گشتگ کہ من کُت نہ کنک اَں ، کیسءِ ھوالگءَ من سرپد نہ اَں منءَ تنا آمیدگسءَ را ھال دیئگ ءِ ھوالگءَ گشگ بوتگ۔ آمید گسءِ جست کنگءَ طلال چوہدری ءَ گشتگ کہ تاں گچین کاری ءَ کیسءَ را مھتل کنگ بہ بیت ایشیءَ پد دو روچانی تہا سرجم کنگءُ فیصلہ دیئگ بہ بیت۔ جسٹس گلزارءَ گشتگ کہ اے وڈ بوت نہ کنت ، تئی وکیل کیسءَ دیمءَ برگ نہ لوٹ اَنت،نوکیں وکیل ءِ بدار۔ آمیدگسءَ آمید گسی گواہ جی ایم آپریشنز پیمرا محمد طاہر ءَ را ھم آؤکیں رمس ءَ لوٹ اِتگ۔
