اسلام آباد۔17جون (اے پی پی ) الیکشن کمیشن اُمیت وارانانی کاگدانی چارءُ تپاسی ءِ عمل ءَ را سئے شمبے ءِ روچءَ سرجم کنت۔ الیکشن کمیشن آؤکیں لھس گچین کاری ءِ تہا اُمیت وارانی نیمگءَ چہ نامزدگی کاگدانی چارءُ تپاسی ءِ عمل ءَ را 19جونءَ سرجم کنت۔ الیکشن کمیشن ءِ گشگءِ ردءَ سرکمیں ملک ءَ چہ ءُ صوبائی اسمبلی آنی سیٹانی ھاترءَ مُچ 2 1ہزار 482کاگد جم کنگ بوتگ اَنت۔ راجی اسمبلی ءِ 342سیٹانی ھاترءَ 6ہزار 63اُمیت وار اں وھدے کہ صوبائی اسمبلی ءِ سیٹانی ھاترءَ 15ہزار 419اُمیت واراں کاگد جم کتگ اَنت۔ گچین کاری شیڈول ءِ ردءَ کاگد منگءُ نہ منگ ءِ ھلاپءَ دزبندی اے ماھ ءِ رمس22ءَ جم کنگ بنت۔ اپیلیٹ ٹربیونلز 25جونءَ اے دزبندی ءَ گیشءُ گیوار کنت کہ آئیءَ پد اے ماھءِ رمس 28ءَ گچین کاری اُمیت وارانی چم شانک داتگیں لڑ شنگ کنگ بیت۔
