اسلام آباد۔17جو ن (اے پی پی) سینیٹ ءِ چیئرمین محمد صادق سنجرانی ءَ کوئٹہ ءَ ایس اوایس ولیج ءِ ترءُ تاب کتگ ءُ آھودہ گونڈوآنی گوما وھد گوازینتگ ءُ آواناں ائیدی ھم داتگ۔ اے موھءِ سرءَ آئیءِ ھمراہ سینیٹر نصیب اللہ بازئی ھم بوتگ۔ سینیٹ چیئرمین ءَ ایس او ایس ولیج ءِ 150ءَ چہ گیش زھگاناں ائیدءِ ٹیکی داتگ۔ اے موھءِ سرءَ سینیٹ ءِ چیئرمین ءَ گپ ءُ تران کتگءُ گشتگ کہ اِدءَ آئیءِ مولءُ مراد اے زھگاناں اے مارشت دیئگی اِنت کہ آچاگردءِ تہا ھاسیں ارزشتے ءِ واھند اَنت۔ آئیءَ گشتگ کہ اے ایس او ایس ولیج ءِ وڈیں دگہ ھم ولیج جوڈ کنگءِ ضلورت اِنت تنکہ کم آسراتی مردمانی زھگاناں ھم راجی رپک ءِ تہاھوار کنگ بہ بیت۔
