دوشنبے۔18جون (اے پی پی) ملک ءِ صدر ممنون حسین ءَ را دوشمبے ءِ روچءَ چار روچی سر کاری ترءُ تابءَ دوشنبے ءَ سر بوھگءَ وش کنگ بوتگ کہ آھودہ آ ’’ آپ مھکمیں دیمروئی ‘‘ ءِ سر ھال ءَ چہ میاں اوستمانی عشرہ(2028-2018)ءِ سرءَ عملداری ءِ ھوالگءَ چہ بوتگیں مزن تک ءِ کانفرنس ءِ تہا پاکستانی ڈل ءِ سروکی ءَ کنت کہ تاجکستان ءِ بنجاھی حکومت دوشنبے ءِ تہا 20تاں 21جونءَ ھڈ کنگ بوھگءَ اِنت۔ تاجکستان ءِ نائب مزن وزیر ذاکر زادہ محمد طاہر ءَ دوشنبے بالی پڑءَ سربوھگءَ ممنون حسین ءَ را وش اَتک کتگ۔ تاجکستان ءَ پاکستانی سفیر ، پاکستانءِ تہا تاجکستان ءِ سفیرءُ سفارتخانہ ءِ سینئر حکام ھم اے موھءِ سرءَ ساڑی بوتگ اَنت۔ یک کسانیں زھگے ءَ دودءُ ربیدگی دابءَ ملک ءِ صدرءَ را پھلانی گلدستہ پیش کتگ۔ ایشی ءَ پد تاجکستان ءِ نائب مزن وزیرءَ بالی پڑءِ سرءَ ملک ءِ صدرءِ گوما کم وھدی گندءُ نندے کتگ۔ گندءُ نندءِ تہا دوھیں نیمگاں دونیمگی ھیال ءُ لیکہ آنی درشانی کنگ بوگ۔ ملک ءِ صدر ممنون حسین چارروچی سرکاری ترءُ تابءِ وھدءَ تاجکستان ءِ صدر امام علی رحمانوف ءِ گوما دونیمگی سولءُ ترا ن ءَ ابید آپ ءِ ھوالگءَ جوڈ بوتگیں کانفرنسءَ ھم ھوار بیت۔
