اسلام آباد۔17 جون (اے پی پی) الیکشن کمیشن آف پاکستان ءَ نامینگی کاگد آنی سر ءَ ریٹرنگ اپسرگ آنی پیسلہ ءِ ھلاپ ءَ اپیل جم کنگ ءِ واستہ ٹربیونلز جوڑ کتگ اَنت، 22جون ءَ تاں اپیل جم کت کن انت۔ جارچین الیکشن کمیشن ءِ رد ءَ آیوکیں لس گچین کاری 2018ءَ ریٹرنگ اپسرگ ءِ پیسلہ ءِ ھلاپ ءَ اپیل ءِ واستہ ہائیکورٹ ءِ 20 جج ایپلٹ ٹربیونلز جوڑ کتگ اَنت۔ الیکشن کمیشن ءِ نیمگ ءَ چہ جاڑی بوتگیں نوٹیفیکیشن ءِ رد ءَ پنجاپ ءِ واستہ 8، خیبر پختونخوا ءِ واستہ 6، سندھ ءِ واستہ چار فوھدیکہ بلوچستان ءِ واستہ 2ٹربیونلز جوڑ کنگ بوتگ اَنت۔ امیت وار 22جون ءَ تاں ریٹرننگ اپسرگ ءِ پیسلہ ءِ ھلاپ ءَ اپیل جم کت کن اَنت۔ ایپلٹ ٹربیونلز 27جون ءَ تاں اے اپیل آناں گیوار اینیت۔
