اسلام آباد ۔ 16 جون (اے پی پی) سرجمیں ملک ءَ کسانیں ائید نیک راھی جوش ءُُ جوزگ ءِ گوما برجم دارگ بوت۔ ملک ءِ توامیں مزنیں شہر ءُُ کوچگ آنی تہ ءَ پچیں جاھ، مسیت، امام بارگاھ ءُُ ائید نماز جاھاں مچی بوت۔ عالم ءِ دین آں وتی گشتانک آنی تہ ءَ کسانیں ائید ءِ ارزشت ءُُ شاھزانتی ءِ سر ءَ چمشانک دات، ووھدیکہ ائید ءِ وشتی ءِ ملک ءَ ملکی دیمروئی ءُُ وشھالی ءُُ دُرستیں مسلمان آنی گہبود ءِ واستہ ھاسیں دُعا ءِ نیک لوٹگ بوت۔ بُنجاھی دارالحکومت ءِ جاڑیں شہر آنی تہءَ ائید ءِ دُرستاں چہ مستریں مچی فیصل مسیت ءَ بوت وھدیکہ راولپنڈی ءَ لیاقت باغ ءِ ھند ءَ یک ٹوھیں مچی ءِ بوت۔ فیصل مسیت ءَ ائید ءِ نماز ءِ واستہ حکومت ءِ ٹوھیں ٹوھیں کارندہ ءُُ اسلامی ملک آنی سفیر آں نماز ءِ ائید ونت۔
