عوامی مسلم لیگءِ سروک ءِ چارشمبے ءِ روچءَ مزن شاہ آمید گسءِ ڈنءَ صحافی آنی گوما گپ ءُ تران
اسلام آباد۔13جون (اے پی پی) عوامی مسلم لیگءِ سروک شیخ رشید احمد ءَ گشتگ کہ اگاں امید گسی فیصلہ منی ھلاپءَ بہ بیت پدا ھم من ءَ قبول اِنت، من نوا ز شریف نہ اَں کہ فیصلہ ءِ نہ منوک بں، آ چارشمبے ءِ روچءَ مزن شاہ آمید گسءِ ڈنءَ صحافی آنی گوما گپءُ تران کنگءَ بوتگ۔ آئیءَ گشتگ کہ مسلم لیگ ن ھما آمید گسی فیصلہءَ را سیاست جوڈ کنگءَ اِنت آ آوانی ھاترءَ سیاسی مرگے جوڈ بوتگ، ھرکس کہ منی سیاسی مرگءَ گندگءَ اِنت من آوانی سیاسی زندءَ گندگ لوٹ اَں۔ آئی ءَ گشتگ کہ 22جون ءَ لیاقت باغ ءَ حلقہ این اے 60ءِ جلسہ کنگءِ ھم جار جتگ۔ زانگ بہ بیت کہ شیخ رشید ءِ نابودی ءِ ھاترءَ دزبندی مسلم لیگ (ن) ءِ رہنما شکیل اعوان ءَ جم کتگ بوتگ کہ آئی ءِ تہا آئیءِ سرءَ 2013ءِ گچین کاری ءِ وھدءَ نامینگی کاگدانی تہا مالءُ مڈیءِ چیر دیئگ ءِ بھتان جنگ بوتگ۔ لیگی رہنما ءِ نیمگءَ چہ جم کتگیں دزبندی جسٹس شیخ عظمت سعید ءِ سروکی ءَ 3باسکی بنچءَ کتگ بوتگءُ 20مارچءَ فریق آنی دلائل گوشدارگءَ پد فیصلہ محفوظ کتگ بوتگ کہ 85روچءَ پد دیئگ فیصلہ دیئگ بوتگ۔
