دمشق۔ 19 اگست (اے پی پی) شام اکن اقوام متحدہ نا خصوصی ایلچی سٹافن دی مستورا شام اٹی انسانی امداد نا ٹیم انا مشن ئِ توننگ نا پڑو ئِ کرینے۔ دا پڑو مشن نا حلب شار اٹی امداد سرکننگ اٹی بے سہب مننگ آن پد کننگانے۔ سٹافن مستورا باور کرفینے کہ آخریکو ہفتہ ٹی انسانی امداد شام انا اسہ علاقہ اسے ٹی ہم رسینگ تو۔ او انکشاف کرے کہ شام اانا محصور علاقہ غاتیٹی اسہ تو آن انسانی امداد داخل متنے۔ حلب اٹی آبادی نا واسطہ کیہی ہفتہ آن انسانی امداد سرمتنے۔ داڑے سٹافن مستورا نا کنڈآن امدادی مشن ئِ توننگ نا پڑو آ تران کرسا شامی اپوزیشن و انقلابی واک آتا اتحاد پارینے کہ ڈی مستورانا بیان دمشق نا ایب وکیب ، حمص و درعا ٹی گیشتر محصور علاقہ غاتیٹی محدود نوعیت نا امداد نا داخلہ ئِ توننگ نا اسہ تو گڈ مون آ بسنے۔ داوخت آ بشار حکومت ، حزب اللہ، پاسداران انقلاب و روسی فوج انا کنڈآن غذائی و طبی امداد داخل مننگ نا موکل آن انکار نا چرجوئی برجائِ۔
