ریاض۔ 16 اگست (اے پی پی) سعودی عرب ئِ فرمانروا خادم الحرمین الشریفین شاہ سلمان بن عبدالعزیز ئَ حج کنوک آناں توامیں بُنیاتی ضلورت پُجارینگ ئِ ہدایت کُت۔ سعودی میڈیا ئِ رد ئَ گوستگیں روچ ئَ وزارتی کونسل ئِ دیوان ئَ گوں تران کنان ئَ آئی ئَ گوشت کہ حج کنوک آنی آیگ ئَ ما وش اتک کناں ئُُ سعودی حکومت ئُُ جِندی ادارگ اللہ ئِ مہمان اَنت ئُُ آواناںتوامیں آسراتی پُجارینگ بیت۔ آئی ئَ گوشت کہ حج ئُُ عمرہ کنوک آنی جاھ آناں ودینگ ئِ ھاترا سعودی حکومت ئَ ارباں ریال ھرچ کتگ ئُُ آیوکیںوھد ئَ ھم اے وڑیں کار جاڑی دارگ بنت۔ سعودی فرمان روا ئَ حج ئُُ عمرہ کنوک آنی ھاترا ویزہ ئِ جوڑ کنگ ئِ تہ ئَ آسانی آرگ ئِ ھم ہدایت کت۔ آئی ئَ حج کنوک آنا زور پر دات کہ اسلامی نیک راھی ئِ رد ئَ سعودی عرب ئَ نندگ ئُُ عبادت کنگ بہ بیت۔
