اسلام آباد۔ 11 اگست (اے پی پی) متحدہ عرب امارات کوئٹہ ٹی دہشت گردجلہو نا ترندی اٹ مذمت ئِ کرسا پاکستان تون یکجہتی نا درشانی ئِ کرینے۔ یو اے ای نا وزارت خارجہ امور بین الاقوامی تعاون پنچ شنبے آ تینا اسہ بیان اسے ٹی ہروڑنا دہشت گردی ئِ مسترد کرسا دالعنت نا برخلاف جہد نا غرض آن تینا عزم انا اعادہ ئِ کرینے و دہشت گردی نا برخلاف جنگ و امن وسلامتی ئِ مون آ دننگ اٹی پاکستان تون پبی کمک نا یخین دہانی کرفینے۔ یو اے ای نا پاننگ ئِ کہ دہشت گردی نا لعنت ئِ ماس آن کشنگ کن جہانی برادری نا کنڈآن ٹھوس گام گیج چست و کوشست آتے ترند کننگ نا گرج ئِ۔ متحدہ عرب امارات دہشت گرد جلہو اٹی تپاخت کروک آتا خاہوت آتون دلی ہڑزخواہی و ہمدردی نا درشانی ئِ کرینے وخت اس کہ ٹھپی مروک آتا زوت جان جوڑی کن دعا کرے۔
