میکسیکو سٹی۔ 11اگست (اے پی پی) میکسیکو نا صوبہ پیوبلو و ویرا کروز اٹی ترند ٹراپیکل طوفان ایرال نا نتیجہ ٹی لینڈ سلائڈنگ نا سوب آن تپاخت کروک آتا کچ 48 اسکان سرمسنے۔ صوبہ پیوبلو نا گورنر رائفائل مورینووال تینا بیان اٹی پارینے کہ پین 9 بندغ آتا لاش ملنگ آن تپاخت کروک آتا کچ 48 اسکان سرمسنے۔ صوبہ ویرا کروز نا گورنر جاوئیر ڈوارٹ ہم اخباری نمائندہ غاتے کن تینا بیان اٹی پارینے کہ ہندی انتظامیہ ڈورتا دیر اتنگ نا خڑک نالہ غاتے خن تیٹی تخانوو اسہ ہزار 230 آن زیات بندغ آتے رکھوک ہند آتیا گدریفنگانے۔ ارٹ میکو کنڈ ملک انا قطبی باجا کیلفورنیا جزیرہ نما ئِ زہمی کروک آ جاوئیر طوفان نا شدت اٹی کمتی بننگ نا احوال تننگانے۔ باجا کیلی فورنیا جزیرہ نما نا گورنر کارلوس مانڈوزا نا رداٹ طوفان نا سوب علاقہ ٹی ہچ ئُ جانی نسخان اس متو ۔ جاوئیر طوفان نا رخ انا امریکہ نا ریاست آریزو نا نا کنڈآ بدل مننگ نا مشاہدہ کننگانے۔
